మేరా భారత్ మహాన్ : చంద్రయాన్-2 ప్రయోగం సక్సెస్..అంతరిక్ష రంగంలో చరిత్ర సృష్టించిన భారత్

శ్రీహరికోట: భారత అంతరిక్ష రంగం ఇస్రో మరో రికార్డును సొంతం చేసుంది. ఇప్పటి వరకు అమెరికా రష్యా చైనా దేశాలు మాత్రమే చంద్రుడిపై పరిశోధనలు చేశాయి. తాజాగా చంద్రయాన్-2 నింగిలోకి పంపి ప్రపంచదేశాల సరసన భారత్ చేరింది. చంద్రుడి ఆవిర్భావం గురించి చంద్రమండలంపై విశేషాలను కనుగొనేందుకు భారత అంతరిక్ష పరిశోధన సంస్థ ఇస్రో చంద్రయాన్-2ను నింగిలోకి పంపింది. ఆదివారమే కౌంట్‌డౌన్ ప్రారంభమైంది. సోమవారం మధ్యాహ్నం 2 గంటల43 నిమిషాలకు నింగిలోకి దూసుకెళ్లింది. ఈ ప్రయోగంలో ముఖ్య పాత్ర పోషించే ఆర్బిటర్, ల్యాండర్, రోవర్‌లను నింగిలోకి జీఎస్ఎల్‌వీ ఎంకే-3 రాకెట్ మోసుకెళ్లింది. షెడ్యూల్ ప్రకారం జూలై 15న తెల్లవారుజామున 2 గంటల 51 నిమిషాలకు టేకాఫ్ తీసుకోవాల్సిన చంద్రయాన్-2 సాంకేతిక లోపం తలెత్తడంతో 22వ తేదీకి వాయిదా పడింది

ఇక మొత్తం 48 రోజుల పాటు చంద్రయాన్-2 ప్రయాణం ఉంటుంది. చంద్రుడిపై ఓ స్పేస్ క్రాఫ్ట్‌ను ల్యాండ్ చేసిన నాలుగో దేశంగా భారత్ నిలువనుంది. చంద్రయాన్ -2 ద్వారా చంద్రుడి దక్షిణ ధృవంలో జరిగే విషయాలను స్టడీ చేయనున్నారు. అక్కడే ఎక్కువగా నీటి ఆనవాలు ఉన్నట్లు శాస్త్రవేత్తలు చెబుతున్నారు. ఇదిలా ఉంటే 2008 అక్టోబర్ 22వ తేదీన చంద్రయాన్-1ను ఇస్రో నింగిలోకి పంపింది.

English summary

Indian Space Research Organisation’s moon mission, Chandrayaan-2, will be launched from Satish Dhawan Space Centre at Sriharikota at 2.43 pm on Monday. The mission will be launched onboard ISRO’s heavy-lift rocket GSLV-MkIII along with three components — orbiter, the lander and the rover.Initially it was supposed to be launched on 15th of July but due to technical snag the launch had beenpost poned.