మోసం..దగా..కుట్ర: కాంగ్రెస్ వెన్నుపోటు: బీఎస్పీ అధినేత్రి మాయావతి ఆక్రోశం
లక్నో: రాజస్థాన్ అసెంబ్లీకి ఎన్నికైన ఆరుమంది బహుజన్ సమాజ్ వాది పార్టీ (బీఎస్పీ) శాసన సభ్యులు మూకుమ్మడిగా కాంగ్రెస్ లో చేరడంపై ఆ పార్టీ అధినేత్రి, ఉత్తర్ ప్రదేశ్ మాజీ ముఖ్యమంత్రి మాయావతి తీవ్ర ఆగ్రహాన్ని వ్యక్తం చేశారు. ఒక పార్టీ గుర్తు నుంచి గెలిచి, రాజీనామా చేయకుండా మరో పార్టీలో చేరడం రాజ్యాంగ విరుద్ధమని ఆక్రోశించారు. ఆరుమంది ఎమ్మెల్యేలు తనను మోసం చేశారని ఆవేదన వ్యక్తం చేశారు. పార్టీ ఫిరాయింపులను ప్రోత్సహిస్తోన్న కాంగ్రెస్ పార్టీ వెన్నుపోటు పొడిచిందని ఆమె ఆరోపించారు. ఈ మేరకు మంగళవారం మధ్యాహ్నం వరుసగా ట్వీట్లను సంధించారు.
1. राजस्थान में कांग्रेस पार्टी की सरकार ने एक बार फिर बीएसपी के विधायकों को तोड़कर गैर-भरोसेमन्द व धोखेबाज़ पार्टी होने का प्रमाण दिया है। यह बीएसपी मूवमेन्ट के साथ विश्वासघात है जो दोबारा तब किया गया है जब बीएसपी वहाँ कांग्रेस सरकार को बाहर से बिना शर्त समर्थन दे रही थी।
— Mayawati (@Mayawati) September 17, 2019
గత ఏడాది రాజస్థాన్ అసెంబ్లీకి జరిగిన ఎన్నికల్లో బీఎస్పీ తరఫున ఆరుమంది ఎమ్మెల్యేలు ఎన్నికయ్యారు. రాజేంద్రగుడ, జోగేంద్ర సింగ్ అవానా, వజీబ్ అలీ, లఖన్ సింగ్ మీనా, సందీప్ యాదవ్, దీప్ చంద్ ఖేరియా సోమవారం రాత్రి మూకుమ్మడిగా బీఎస్పీకి రాజీనామా చేశారు. రాజస్థాన్ లో అధికారంలో ఉన్న కాంగ్రెస్ పార్టీలో చేరారు. వారి చేరికతో అసెంబ్లీలో 101 మంది సభ్యులు ఉన్న కాంగ్రెస్ పార్టీ బలం 107కు చేరింది. తమ పార్టీ ఎమ్మెల్యేలు పార్టీ ఫిరాయించడాన్ని మాయావతి తప్పు పట్టారు. స్నేహంగా ఉన్నట్లు నటించిన కాంగ్రెస్ పార్టీ తనను వెన్నుపోటు పొడిచిందని విమర్శించారు.
నమ్మిన వారిని మోసగించడం కాంగ్రెస్ పార్టీకి అలవాటుగా మారిందని ధ్వజమెత్తారు. అధికారంలో ఉన్న కాంగ్రెస్ పార్టీకి బేషరతుగా బయటి నుంచి మద్దతు ఇస్తున్నామని, అయినప్పటికీ.. దాన్ని పట్టించుకోకుండా మిత్ర ద్రోహానికి పాల్పడిందని మాయావతి నిప్పులు చెరిగారు. బడుగులు, దళితుల కోసం కృషి చేస్తోన్న తమ పార్టీ సిద్ధాంతాలకు కాంగ్రెస్ వెన్నుపోటు పొడిచిందని మండి పడ్డారు. తన రాజకీయ ప్రత్యర్థులపై పోరాడాల్సిన కాంగ్రెస్ పార్టీ దానికి భిన్నంగా ప్రవర్తించిందని, నమ్మిన వారిని మరోసారి వంచించిందని విమర్శించారు.
2. कांग्रेस अपनी कटु विरोधी पार्टी/संगठनों से लड़ने के बजाए हर जगह उन पार्टियों को ही सदा आघात पहुंचाने का काम करती है जो उन्हें सहयोग/समर्थन देते हैं। कांग्रेस इस प्रकार एससी, एसटी,ओबीसी विरोधी पार्टी है तथा इन वर्गों के आरक्षण के हक के प्रति कभी गंभीर व ईमानदार नहीं रही है।
— Mayawati (@Mayawati) September 17, 2019
దళితులు, గిరజనులు, వెనుకబడిన వర్గాల ప్రజలను మోసం చేసిందని అన్నారు. రాజ్యంగ నిర్మాత డాక్టర్ బీఆర్ అంబేద్కర్ సిద్ధాంతాలకు తాను దూరమనే విషయాన్ని కాంగ్రెస్ మరోసారి రుజువు చేసుకుందని మాయావతి ధ్వజమెత్తారు.
3.कांग्रेस हमेशा ही बाबा साहेब डा भीमराव अम्बेडकर व उनकी मानवतावादी विचारधारा की विरोधी रही। इसी कारण डा अम्बेडकर को देश के पहले कानून मंत्री पद से इस्तीफा देना पड़ा था। कांग्रेस ने उन्हें न तो कभी लोकसभा में चुनकर जाने दिया और न ही भारतरत्न से सम्मानित किया। अति-दुःखद व शर्मनाक।
— Mayawati (@Mayawati) September 17, 2019
Click it and Unblock the Notifications
Sign in with Google