పోర్న్ వీడియోలు చూశారో కటకటాల పాలే...

మహిళలపై హత్యలు, అత్యాచారాలకు అసలు కారణం ఏమిటీ, వీటికి ప్రోత్సాహాన్ని ఇస్తున్న పరిస్థితులు ఏవి, ముఖ్యంగా మహిళలపై అత్యాచారాలకు కారణమవుతున్న వ్యవస్థలు ఎక్కడ ఉన్నాయనే దానిపై తమిళనాడు పోలీసులు డేగ కన్ను విధించారు. దీంతో అత్యాచారాల ఆలోచనకు బీజం వేసే పోర్న్ వీడియోలపై దృష్టి సారించారు. ఈ నేపథ్యంలోనే అత్యాచారాలను ప్రోత్సహించేందుకు కారణమైన పోర్న్ వీడియోలు ఎవరు చూస్తున్నారు. వాటిని ఎవరు పోస్ట్ చేస్తున్నారు. వ్యతిగత ఖాతాల్లోకి పోర్న్ వీడియోలు ఎలా వస్తున్నాయనే దానిపై అక్కడి పోలీసులు నిఘా పెంచారు.

పోర్న్ వీడియోలతో యువతో చెడు మార్గం

ఈ పోర్న్ వీడియోలు ఎక్కువగా చూస్తున్న వారితో ప్రమాదం ముంచుకువచ్చే అవకాశం ఉన్న నేపథ్యంలోనే వారిని గుర్తించారు. షాకింగ్ విషయం ఎమిటంటే... పోర్న్ వీడీయోలు చూసే వారిలో మహిళలు కూడ ఉండడం వారు గుర్తించడం గమనార్హం. దీంతో ఎక్కువగా పోర్న్ వీడియోలు పోస్టు చేస్తూ...వాటిని చూస్తున్న వారిపై పోలీసులు కొరఢా ఝలిపించనున్నారు. ఇలా ఎక్కువగా వీడియోలు చూస్తున్న వారి వివరాలు పోలీసులు సేకరించారు.

పోర్న్ వీడియోలు చూస్తున్న 3000 మంది గుర్తింపు

అశ్లీలతకు ప్రాధాన్యమిస్తూ పోర్న్ వీడీయోలు చూస్తున్న సుమారు మూడు వేల మంది అడ్రస్‌లు పోలీసులు కనుగొన్నారు. వీరిలో పోలీసులు కొంతమందిని అరెస్ట్ చేశారు. మరికొంతమందిని కూడ అరెస్ట్ చేసేందుకు సిద్దమవుతున్నారు. ఈ నేపథ్యంలోనే తిరుచ్చికి చెందిన క్రిష్టోఫర్‌ అల్ఫోన్స్‌ రాజా అనే వ్యక్తి ఆదవన్‌ పేరిట ఓ మెసెంజర్‌ గ్రూప్‌ను ఏర్పాటు చేసుకుని అశ్లీల వీడియోల్ని ఇష్టానుసారంగా షేర్‌ చేస్తూ రావడాన్ని పోలీసులు గుర్తించారు. దీంతో అతడ్ని మొదటి సారిగా అరెస్టు చేశారు.

చెన్నై మహిళల రక్షణ కు ప్రత్యేక బృందాలు

చెన్నైలోని మహిళల రక్షణ కోసం ఏర్పాటు చేసిన ప్రత్యేక బృందం ఇందుకోసం కసరత్తు చేస్తుంది. హైదరాబాద్‌లో దిశ సంఘటన జరిగిన తర్వాత దేశ వ్యాప్తంగా మహిళల రక్షణకు ఆయా రాష్ట్రాలు నడుం బిగించిన విషయం తెలిసిందే..ఇందులో బాగంగానే అటు న్యాయవవస్థతో పాటు పోలీసు వ్యవస్థలు కట్టుదిట్టమైన ఏర్పాట్లు చేస్తున్నాయి. మహిళలపై అత్యాచారాలు జరగకుండా పలు జాగ్రత్తలు తీసుకుంటున్నాయి. దీంతో అత్యాచారాలకు ముఖ్య కారణమైన పోర్న్ వీడియోలపై చెన్నై పోలీసులు ప్రత్యేక దృష్టి సారించారు.

English summary

Chennai police have cracked down on porn videos,that are the main cause of rape and murder of women. identify those who were watching the videos and get arrested