అమ్మాయిపై ఫేస్‌బుక్ ఫ్రెండ్ రేప్, వీడియో తీసి మరికొన్నిసార్లు

ఘజియాబాద్: పదో తరగతి చదువుతున్న ఓ బాలిక పైన ఆమె ఫేస్‌బుక్ ఫ్రెండ్ అత్యాచారానికి పాల్పడ్డ సంఘటన ఉత్తర ప్రదేశ్ రాష్ట్రంలో జరిగింది. సిహన్ గేట్ వద్ద అతను బాధిత యువతి పైన ఈ దారుణానికి పాల్పడ్డాడు. నిందితుడిని అరెస్టు చేసినట్లు పోలీసులు ఆదివారం చెప్పారు.

నిందితుడు గోవిందపురంకు చెందిన వ్యక్తి. సిహన్ గేట్ వద్ద ఉన్న ఓ పోలీసు తనయుడు. ఇతనికి కొన్నేళ్ల క్రితం బాధిత యువతితో ఫేస్‌బుక్ ద్వారా పరిచయం ఏర్పడింది.

వీరు నేరుగా కూడా కలుసుకున్నారు. అతను ఓ సారి ఆమెను తన ఇంటికి తీసుకు వెళ్లాడు. అక్కడ అత్యాచారానికి పాల్పడ్డాడు. ఆమెకు మత్తుమందు ఇచ్చి అత్యాచారానికి పాల్పడ్డాడు. అంతేకాదు, ఆమెకు ఓ ఎమ్మెమ్మెస్ కూడా పంపించాడు.

ఆమెను తొలిసారి రేప్ చేసిన దానిని వీడియో తీసి, ఎమ్మెమ్మెస్ ద్వారా ఆ యువతికి పంపించి, ఆమెను బ్లాక్ మెయిల్ చేయడం ప్రారంభించాడు. దానిని ఆసరాగా చేసుకొని ఆమె పైన పలుమార్లు అత్యాచారానికి పాల్పడ్డాడు. అతని వేధింపులు భరించలేక ఆ యువతి తన కుటుంబ సభ్యులకు విషయం చెప్పింది. పోలీసులకు ఫిర్యాదు చేయడంతో అరెస్టు చేశారు.

English summary

A class 10 student was allegedly raped by a boy who she befriended on Facebook at Sihanigate area here, following which the accused was arrested, police said on Sunday.