అటెండర్ మహేష్ దగ్గర రివాల్వర్: ఎవరితో లింకులు?

బెంగళూరు: ప్రగతి కాలేజ్ పీయుసీ విద్యార్థినిని రివాల్వర్ తో కాల్చి చంపిన మహేష్ ను పోలీసు అధికారులు విచారిస్తున్నారు. నిందితుడు మహేష్ దగ్గరకు రివాల్వర్ ఎలా వచ్చిందని ఆరా తీస్తున్నారు. శివమొగ్గ జిల్లాలో మావోయిస్ట్ లు (నక్సల్) ప్రభావం చాలా ఉంది. శివమొగ్గ జిల్లాలోని అగుంబే ప్రాంతానికి చెందిన మహేష్ కు మావోయిస్ట్ లకు ఏమైనా సంబంధాలు ఉన్నాయా అని పోలీసు అధికారులు కూపీలాగుతున్నారు.

అగుంబెలోని దట్టమైన అటవి ప్రాంతంలో నిత్యం పోలీసులు కూబింగ్ నిర్వహిస్తుంటారు. అదే ప్రాంతానికి చెందిన మహేష్ బెంగళూరు చేరుకుని ప్రగతి కాలేజ్ లో అటెండర్ గా పని చేస్తున్నాడు. ఒక కాలేజ్ లో అటెండర్ గా పని చేసే మహేష్ దగ్గర రివాల్వర్ ఉందంటే తాము నమ్మలేకపోతున్నామని పోలీసు అధికారులు అంటున్నారు. హత్య చేసిన నిందితుడు మహేష్ నేరుగా బి నారాయణపురలోని సోదరి ఇంట్లో తలదాచుకున్నాడు.

మహేష్ సోదరి అద్దె ఇంటిలో ఉంటోంది. బుధవారం ఉదయం ఇంటి యజమాని, టీవీలలో ప్రతిభ కాలేజ్ లో హత్య జరిగిందని, ఆ హత్య మహేష్ చేశాడని వార్తలు రావడాన్ని చూశాడు. వెంటనే ఇంటి యజమాని ఈ విషయమై మహేష్ ను ప్రశ్నించాడు.

మహేష్ అక్కడి నుండి పారిపోయేందుకు ప్రయత్నించాడు. ఇంటి యజమాని, స్థానికులు వెంటాడి అతనిని పట్టుకుని తాళ్లతో కట్టి వేసి బెంగళూరు పోలీసు అధికారులకు సమాచారం అందించారు. పోలీసులు మహేష్ ను అరెస్టు చేశారు. హత్య చేసిన మహేష్ దర్జాగా బెంగళూరులోనే తల దాచుకొవడంతో పోలీసులు పలు కోణాలలో దర్యాప్తు చేస్తున్నారు.

English summary

18-year-old 2nd PUC student Gowthami was shot to death at her hostel at Kadugodi, Bengaluru on Tuesday night. Kadugodi police investigating.Kadugodi police arrested accused school attender Mahesh on Wednesday, April 1, 2015.