ముచ్చటగా మూడోసారి: ఢిల్లీ సీఎంగా అరవింద్ కేజ్రీవాల్ ప్రమాణస్వీకారం

న్యూఢిల్లీ: ఆమ్ ఆద్మీ పార్టీ అధినేత అరవింద్ కేజ్రీవాల్ ఢిల్లీ ముఖ్యమంత్రిగా ప్రమాణ స్వీకారం చేశారు. ఢిల్లీ ముఖ్యమంత్రిగా ఆయన ప్రమాణ స్వీకారం చేయడం వరుసగా ఇది మూడోసారి. దేశ రాజధానిలోని రామ్‌లీలా మైదాన్‌లో నిర్వహించిన ఈ కార్యక్రమంలో ఢిల్లీ లెప్టినెంట్ గవర్నర్ అనిల్ బైజల్.. కేజ్రీవాల్‌తో ప్రమాణ స్వీకారం చేయించారు. కేజ్రీవాల్‌తో పాటు ఆరుమంది మంత్రులుగా ప్రమాణ స్వీకారం చేశారు.

వేలాది మంది ఆమ్‌ఆద్మీ పార్టీ నాయకులు, కార్యకర్తలు, అదే సంఖ్యలో ఢిల్లీ ప్రజలు హాజరయ్యారు. అసెంబ్లీకి జరిగిన ఎన్నికల్లో అరవింద్ కేజ్రీవాల్ ఆమ్‌ ఆద్మీ పార్టీ ఘనవిజయం సాధించింది. బీజేపీ కాంగ్రెస్‌లు పిక్చర్‌లో లేకుండా చేసింది. మొత్తం 70 సీట్లున్న ఢిల్లీ అసెంబ్లీలో సామాన్యుడి పార్టీ ఆప్ 62 స్థానాలు గెలువగా... బీజేపీ 8 స్థానాలతో సరిపెట్టుకుంది. 2015లోలానే కాంగ్రెస్ మరోసారి ఖాతా తెరవడంలో విఫలమైంది.

ఇక అరవింద్ కేజ్రీవాల్ ప్రమాణ స్వీకారం సందర్భంగా ఢిల్లీ పోలీసులు భద్రతను కట్టుదిట్టం చేశారు. ప్రమాణస్వీకారంకు వేదికగా రామ్‌లీలా మైదాన్ ముస్తాబైంది. ఢిల్లీలోని ప్రతి సామాన్యుడు ఈ ప్రమాణస్వీకారం వేడుకకు హాజరు కావాలని అరవింద్ కేజ్రీవాల్ ఆహ్వానం పలికారు.

ప్రమాణస్వీకారం సజావుగా సాగేందుకు ఢిల్లీ పోలీస్ శాఖ గట్టి బందోబస్తు చేపట్టింది. దాదాపు 3వేల మంది పోలీసులను పారామిలటరీ దళాలను దేశ రాజధానిలో మోహరించింది. కేజ్రీవాల్ ప్రమాణస్వీకారం మినిట్ టూ మినిట్ లైవ్ అప్ డేట్స్..

English summary

Aam Aadmi Party (AAP) national convener Arvind Kejriwal is all set to take oath for the third time as chief minister of Delhi on Sunday. The AAP scored a landslide victory in the Delhi assembly elections 2020 as it swept aside both BJP and Congress.