Conjunctivitis: ఢిల్లీలో పెరుగుతోన్న కండ్లకలక కేసులు..
మొన్నటి వరకు భారీ వర్షాలతో ఇబ్బంది పడిన ఢిల్లీ ప్రజలు తాజాగా.. వ్యాధులు బారిన పడుతున్నారు. ఢిల్లీలో కండ్లకలక కేసులు క్రమంగా పెరుగుతోన్నాయి. కండ్లకలక పెరుగుతున్న నేపథ్యంలో రద్దీ ప్రదేశాల్లో ప్రజల జాగ్రత్తలు తీసుకోవాలని వైద్యులు సూచిస్తున్నారు. ప్రభుత్వ, ప్రైవేట్ ఆసుపత్రులకు వచ్చే రోగులలో ఎక్కువగా యువత ఉన్నట్టు వైద్యులు చెబుతున్నారు. ఢిల్లీలో కండ్లకలక చాలా మంది వైద్యులు ఇది "అత్యంత అంటువ్యాధి" అని హెచ్చరిస్తున్నారు.
దాని వ్యాప్తిని నిరోధించడానికి పరిశుభ్రత పాటించాలన్నారు. "ఇంట్లో ఎవరికైనా కంటి ఇన్ఫెక్షన్ ఉంటే" వారు వేరేగా ఉండాలి. వారు బయటకు వెళ్లకూడదు. పిల్లలకు కండ్ల కలక వస్తే పాఠశాలలకు పంపొద్దు. ఎందుకంటే ఇది పిల్లలకు త్వరగా సోకుతుందని వైద్యులు చెబుతున్నారు. కండ్లకలక ఉన్న వ్యక్తి కంటి నుంచి వచ్చే స్రావాలు.. వ్యాధి సోకని వ్యక్తికి కూడా వైరస్ విస్తరింప చేస్తుందని తెలిపారు.
కండ్లకలక అనేది ఒక సాధారణ ఫ్లూ, వర్షాకాలంలో కంటి ఫ్లూకి అత్యంత సాధారణ కారణం, ఇది అడెనో వైరస్ కుటుంబం చెందినదని
ఫరీదాబాద్లోని మారెంగో ఆసియా హాస్పిటల్స్కు చెందిన సీనియర్ కన్సల్టెంట్, ఆప్తామాలజీ నిఖిల్ సేథ్ చెప్పారు. "ప్రస్తుతం, ఈ రోజుల్లో OPD కి వచ్చే రోగులలో 20-25 శాతం పెరుగుదలను మేము చూడవచ్చు" అని డాక్టర్ చెప్పారు.వసంత్ కుంజ్లోని ఫోర్టిస్ హాస్పిటల్లో నేత్రవైద్యం సీనియర్ కన్సల్టెంట్ డాక్టర్ ఆర్తి నంగియా మాట్లాడుతూ, ఇటీవల ఢిల్లీలో కంటి ఇన్ఫెక్షన్లు మరియు కండ్లకలక కేసులు "పెరుగుతున్నాయని" చెప్పారు.
ఢిల్లీ ప్రభుత్వ ఆసుపత్రులు కేసులను ఎదుర్కోవటానికి "అలర్ట్"గా ఉన్నాయి. కండ్లకలక, ఫంగల్ ఇన్ఫెక్షన్లు, వెక్టర్ ద్వారా సంక్రమించే వ్యాధులు, ఆరోగ్య మంత్రి సౌరభ్ భరద్వాజ్ జూలై 25 న చెప్పారు. కండ్లకలక, చర్మ అలెర్జీ కేసులు ఎక్కువగా ఢిల్లీలోని కొన్ని ప్రాంతాలలో వరదల వల్ల ప్రభావితమైన ప్రజలు ఉన్న రిలీఫ్ క్యాంపుల నుంచి నమోదవుతున్నాయని భరద్వాజ్ చెప్పారు.
Click it and Unblock the Notifications
Sign in with Google