Viral Video: ఐఐటీ క్యాంపస్ లో మొసలి హల్ చల్.. విద్యార్థులు భయంతో పరుగులు

ఎప్పుడూ స్టూడెంట్స్ తో రద్దీగా ఉండే ఆ ఐఐటీ క్యాంపస్ ఒక్కసారిగా ఉలిక్కిపడింది. క్యాంపస్ లోకి ప్రవేశించిన ఓ భారీ మొసలి హల్ చల్ చేసింది. మొసలిని చూసి విద్యార్థులు, ఉపాధ్యాయులు భయాందోళనకు గురయ్యారు. ప్రస్తుతం సామాజిక మాధ్యమాల్లో ఈ వీడియో వైరల్ అవుతోంది.

ముంబైలోని పొవాయ్ ఐఐటీ క్యాంపస్ లో ఓ మొసలి హల్ చల్ చేసింది. మొసలి రోడ్డు పైకి పాకుతూ రావడాన్ని గమనించిన విద్యార్థులు అక్కడి నుంచి పరుగులు తీశారు. సెక్యూరిటీ సిబ్బంది ఈ సమాచారాన్ని అటవీశాఖ అధికారులకు చేరవేయగా హుటాహుటిన ఫారెస్ట్ డిపార్ట్ మెంట్ సిబ్బంది క్యాంపస్ లోకి చేరుకున్నారు. మొసలి స్థానికంగా ఉన్న పద్మావతి ఆలయంలోని సరస్సు నుంచి వచ్చినట్లుగా గుర్తించారు. మార్చి 23, ఆదివారం సాయంత్రం 7 నుంచి 8 గంటల మధ్య ప్రాంతంలో ఈ ఇన్సిడెంట్ జరిగినట్లు అటవీశాఖ సిబ్బంది పేర్కొంది. అయితే మొసలిని కొందరు వీడియో తీసి సోషల్ మీడియాలో పోస్ట్ చేశారు. దీంతో ఆ వీడియో ఫుల్ ట్రెండ్ అయింది.

𝕄𝕌𝕄𝔹𝔸𝕀 | A startling incident unfolded on the Indian Institute of Technology (IIT) Powai campus in Mumbai, as a crocodile was spotted roaming on the road. The reptile had escaped from the lake near the Padmavati Temple, Lake Site. A chilling video captured the crocodile's… pic.twitter.com/AxIykrks5d

— ℝ𝕒𝕛 𝕄𝕒𝕛𝕚 (@Rajmajiofficial) March 24, 2025

క్యాంపస్ లో మొసలి ప్రవేశించిన వీడియోను రాజ్ మాజీ అనే వ్యక్తి తన ఎక్స్ ఖాతాలో పోస్ట్ చేశారు. " ముంబై పొవాయ్ ఐఐటీ క్యాంపస్ లోకి ఓ మొసలి ప్రవేశించింది. మొసలి క్యాంపస్ లోని రోడ్ల పై దర్జగా తిరుగుతోంది. స్థానికంగా ఉన్న పద్మావతి ఆలయంలోని సరస్సు నుంచి ఈ మొసలి దారితప్పి క్యాంపస్ లోకి ప్రవేశించినట్లు తెలుస్తోంది. ఈ ఘటన ఆదివారం రాత్రి 7-8 గంటల మధ్య జరిగింది. ఇది మొదటి సారి కాదు. గతంలోనూ పొవాయ్ సరస్సు నుంచి మొసళ్లు చాలాసార్లు క్యాంపస్ రోడ్లపై తిరిగాయి. అటవీ అధికారులు ఈ ఘటనలు మళ్లీ పునరావృతం కాకుండా చూడాలి" అని ఎక్స్ లో పోస్ట్ చేశారు.