దీపికా పదుకొణేకు పెళ్లైంది, ఆమె పేరిట రేషన్ కార్డు!!

లక్నో: ప్రభుత్వం సబ్సిడీ కింద ఇచ్చే రేషన్ సరుకును సోనాక్షి సిన్హా, దీపికా పదుకొణే, జాక్వెలిన్ ఫెర్నాండేజ్, రాణి ముఖర్జీ తదితరులు తీసుకుంటున్నారట! ఉత్తర ప్రదేశ్ రేషన్ పై హీరోయిన్ల పేరిట రేషన్ కార్డులు ఉండటం గమనార్హం.

యూపీలోని షహబ్ గంజ్ గ్రామంలో సోనాక్షి, దీపికా, జాక్వెలిన్, రాణిముఖర్జీల పేరిట రేషన్ కార్డులు ఉన్నాయి. వీరు ప్రభుత్వ రేషన్ తీసుకుంటున్నట్లుగా ఉంది. గ్రామస్తులు స్థానిక రేషన్ డిస్ట్రిబ్యూటర్ పైన ఫిర్యాదు చేశారు. దీంతో ఈ విషయం వెలుగు చూసింది.

విచారణలో షాకింగ్ విషయాలు వెలుగు చూశాయి. వెలుగు చూసిన జాబితా ప్రకారం.. జాక్వెలిన్ భర్త సాధు లాల్. దీపికా పడుకొణే భర్త రాకేష్ చంద్. రాణీ ముఖర్జీ భర్త రామ్ స్వరూప్. సోనాక్షి సిన్హాకు కూడా పెళ్లైనట్లు ఉంది. ఆమె భర్త పేరును రమేష్ చంద్‌గా పేర్కొన్నారు.

దీపికా పదుకొణెను జనరల్ కేటగిరీ కింద ఉంచారు. మిగతా హీరోయిన్లను ఓబీసీలుగా పేర్కొన్నారు. దీనికి సంబంధించి జిల్లా మెజిస్ట్రేట్ విచారణకు ఆదేశించింది. కాగా, ఇలా పలువురు సెలబ్రిటీల పేరుతో రేషన్ కార్డులు, ఓటరు కార్డులు పలు సందర్భాల్లో వెలుగు చూ సిన విషయం తెలిసిందే.

English summary

Sonakshi Sinha, Deepika Padukone and even Jacqueline Fernandez and Rani Mukherji have ration cards on their name in UP. This is a sheer case of callous attitude of system who make ration cards. The names of these actresses are listed as beneficiaries in the list of people who took ration from the distributor at Sahabganj village in Qayamganj tehsil.