ఢిల్లీ పోలీసుల సర్‌ప్రైజ్, మేరీ కోమ్ ఇంటికి కేక్, కుమారుడి బర్త్ డే సందర్భంగా.. పాట పాడి...

లాక్ డౌన్ వల్ల ఆంక్షలతో జీవనం కొనసాగుతోంది. ఈ సమయంలో బర్త్ డే, మ్యారేజ్ డే.. ఇతర వేడుకలు కూడా సింపుల్‌గా జరుపుకోవాల్సిందే. అయితే బాక్సర్, రాజ్యసభ ఎంపీ మేరీ కోమ్ కుమారుడి బర్త్ డే సందర్భంగా ఢిల్లీ పోలీసులు సడెన్ సర్ ఫ్రైజ్ ఇచ్చారు. ఇంటికి పెద్ద కేక్ తీసుకొచ్చారు. అంతేకాదు హ్యాపీ బర్త్ డే అంటూ పాట కూడా పాడారు. పోలీసులు ఇచ్చిన సర్ ప్రైజ్‌తో మేరీ కోమ్ ఫ్యామిలీ సంభ్రమాశ్చర్యాలకు గురైంది.

కేక్ తీసుకొచ్చి, పాట పాడిన వీడియో మేరీ కోమ్ ట్వీట్టర్‌లో పోస్ట్ చేశారు. మీరే రియల్ కరోనా వారియర్స్ అంటూ పొగిడారు. ఆపత్కాలంలో నిబద్ధతతో విధులు నిర్వర్తిస్తూన్నారని కొనియాడారు. ఈ సమయంలో కూడా తన చిన్న కుమారుడు ప్రిన్స్ కోసం కేక్ తీసుకొచ్చి... బర్త్ డే చేసినందుకు స్పెషల్ థాంక్స్ చెప్పారు. మీకు సెల్యూట్ అంటూ పోస్ట్ చేశారు.

కరోనా వైరస్ తగ్గి సాధారణ స్థితి రావాలని మనమంతా కోరుకుంటున్నాం.. కానీ వైరస్ ఎవరికీ పూర్తిగా అర్థం కావడం లేదన్నారు మేరీ కోమ్. వైరస్ వల్ల వ్యవస్థలు స్తంభించిపోయాయి.. ఆటలు నిలిచిపోయాయన్నారు. వైరస్ కోసం వ్యాక్సిన్ కనుగొంటే.. పరిస్థితి మారుతోందని ఆమె చెప్పారు.

English summary

Delhi Police made Mary Kom's younger son Prince's birthday special by bringing a cake and singing the birthday song for the young boy