ధనుష్, ఐశ్వర్య: విడిపోతున్నట్లు ప్రకటించిన దంపతులు

By Bbc Telugu

| Updated: Tuesday, January 18, 2022, 13:29 [IST]

తమిళ హీరో ధనుష్, ఆయన భార్య ఐశ్వర్య విడిపోతున్నట్లు ప్రకటించారు.

"గత 18 సంవత్సరాలుగా మేము స్నేహితులుగా, దంపతులుగా, తల్లిదండ్రులుగా మా ప్రయాణం కొనసాగించాం. ఇప్పుడు విడిపోతున్నామంటూ" ధనుష్ ఒక లేఖను ట్వీట్ చేశారు.

https://twitter.com/dhanushkraja/status/1483128992312225792/photo/1

"ఇకపై మేమిద్దరం వేరు వేరు దారుల్లో నడవాలని నిర్ణయించుకున్నాం. వ్యక్తిగతంగా సమయాన్ని వెచ్చించాలనుకుంటున్నాం. మా నిర్ణయాన్ని గౌరవించి, మా వ్యక్తిగత గోప్యతను అర్థం చేసుకుంటారని ఆశిస్తున్నాం" అంటూ ఆ లేఖలో రాశారు.

ఐశ్వర్య, ధనుష్ ఇద్దరూ తమిళ చిత్ర పరిశ్రమకు చెందిన ప్రముఖ కుటుంబాలకు చెందినవారే.

ఐశ్వర్య, సూపర్ స్టార్ రజనీకాంత్ కుమార్తె కాగా.. ధనుష్ ప్రముఖ దర్శకుడు, నిర్మాత అయిన కస్తూరి రాజా కుమారుడు.

ఇటీవల టాలీవుడ్‌లో సమంత, అక్కినేని నాగ చైతన్య దంపతులు కూడా విడిపోయారు.

తాము భార్యాభర్తలుగా విడిపోతున్నామని సమంత, అక్కినేని నాగ చైతన్య ప్రకటించారు.

''చాలా చర్చలు, ఆలోచనల తర్వాత సమంత, నేను భార్యాభర్తలుగా విడిపోవాలని నిర్ణయించుకున్నాం. మా ఇద్దరి మధ్య దశాబ్ద కాల స్నేహబంధం ఉంది. ఇకపై కూడా ఆ స్నేహ బంధం కొనసాగుతుందని మేం ఆశిస్తున్నాం''అని నాగ చైతన్య ట్వీట్‌చేశారు.

https://twitter.com/chay_akkineni/status/1444241025430536194

2010లో విడుదలైన 'ఏమాయ చేశావే’ సినిమాలో హీరో, హీరోయిన్లుగా నటించినప్పటి నుంచి వీరి మధ్య పరిచయం పెరిగింది.

2017 అక్టోబర్ 6వ తేదీన గోవాలో వీరు హిందు, క్రైస్తవ మత సంప్రదాయాల ప్రకారం పెళ్లి చేసుకున్నారు.

ఇవి కూడా చదవండి: