హేమమాలినికి పెళ్లి కష్టం: కూతురు, అల్లుడు...(పిక్చర్స్)

By Srinivas

Updated: Monday, April 21, 2014, 15:37 [IST]

లక్నో: బాలీవుడ్ డ్రీమ్ గర్ల్, బిజెపి మధుర అభ్యర్థి హేమమాలిని తరఫున ప్రముఖ నటుడు ధర్మేంద్ర ప్రచారంపై సర్వత్రా ఉత్కంఠ నెలకొంది. ఈ నేపథ్యంలో ధర్మేంద్ర తన ప్రచారంపై స్పందించారు. తన ఆరోగ్యం బాగా లేదని, తాను ప్రస్తుతం బెడ్ రెస్టులో ఉన్నానని, ప్రస్తుతానికి ప్రచారానికి రాలేకపోతున్నందుకు బాధగా ఉందని చెప్పారు.

ధర్మేంద్ర రాకపోవడంతో హేమకు తిప్పలు

మధుర నియోజక పరిధిలో ప్రచారంలో దూసుకుపోతున్న హేమమాలినికి విచిత్ర పరిస్థితి ఎదురవుతోందట. ప్రచారంలో భాగంగా పలుచోట్ల ధర్మేంద్ర ఎప్పుడొస్తున్నారని ఆమెను అడుగుతున్నారట.

దాంతో ధర్మేంద్ర త్వరలోనే ప్రచారంలోకి దించేందుకు ప్రయత్నాలు చేశారట. ఆయన ఆరోగ్యం బాగా లేకపోవడంతో రావడం లేదని తెలుస్తోంది.

హేమమాలిని

ధర్మేంద్ర ప్రచారంలో పాల్గొనే అవకాశం లేదని... కొందరు చెబుతున్నారట. ప్రచారంలో ధర్మేంద్ర పాల్గొంటే... హేమమాలినితో వివాహ సంబంధంపై నిలదీస్తామని విపక్షాల కార్యకర్తలు అంటున్నారు. హేమమాలినితో ఉన్న సంబంధమేమిటనే ప్రశ్నకు ధర్మేంద్ర సమాధానం చెప్పాల్సి ఉంటుందన్నారు.

హేమమాలిని

హేమమాలిని ప్రచారంలో ధర్మేంద్ర పాల్గొనడానికి వెనకడుగు వేస్తున్నారన్న ప్రచారాన్ని సినీ దర్శకుడు అనిల్ శర్మ ఖండించారు. విపక్షాలు చేస్తున్న ఆరోపణలు అసత్యమన్నారు. ధర్మేంద్ర ప్రచారంలో పాల్గొంటారని ఆయన రెండు రోజుల క్రితం చెప్పారు.