సినిమాల్లో రిస్క్లు చేయకు: అజిత్కు జయలలిత సూచన?
చెన్నై: తమిళనాడు ముఖ్యమంత్రి, అన్నాడీఎంకే అధినేత్రి జయలలిత అపోలో ఆసుపత్రిలో చికిత్స పొందుతున్నారు. ఆమె మరికొద్ది రోజులు ఆసుపత్రిలోనే ఉండనున్నారు. ఈ నేపథ్యంలో ఇటీవల పలు వాదనలు వచ్చాయి. హీరో అజిత్ ఆమె వారసుడిగా రంగంలోకి దిగనున్నారనే పుకార్లు జోరుగా వినిపించాయి.
అంతేకాదు, గతంలో అజిత్, జయలలితలు కలుసుకున్నారని, పార్టీ భవిష్యత్తు పైన చర్చించారని కూడా వార్తలు వచ్చాయి. తాజాగా మరో పుకారు వినిపిస్తోంది. అజిత్ హీరో. పైగా యాక్షన్ హీరో. దీంతో సినిమాలలో రిస్కులు చేయవలసి ఉంటుంది. దీని పైన అజిత్కు జయలలిత ఓ సూచన చేసినట్లుగా ప్రచారం సాగుతోంది.
ఇటీవల ఓ అవార్డు ఫంక్షన్లో జయలలిత హీరో అజిత్కు సూచన చేశారని అంటున్నారు. రిస్క్ ఉన్న సీన్లలో నటించవద్దని, బైక్ రేసులు, కారు రేసుల వంటి వాటికి దూరంగా ఉండాలని జయలలిత ఆయనకు సూచించినట్లుగా రూమర్స్ వస్తున్నాయి.
అజిత్కు ఓ కుటుంబం ఉందని, దానిని పట్టించుకోవాల్సి ఉందని, కాబట్టి రిస్క్ తీసుకోవద్దని సూచించారని అంటున్నారు. ఇదిలా ఉండగా, అజిత్ ప్రస్తుతం తన ఏకే 57 సినిమాలో బిజీగా ఉన్నారు. ఈ సినిమాలో అజిత్ సరసన కాజల్ అగర్వాల్ నటిస్తున్నారు.