సినిమా ఛాన్స్ కోసం వెళితే.. ఆ దర్శకుడు ఏం చేశాడంటే..

సినిమాలో ఛాన్స్ కోసం వెళ్లిన ఓ కళాశాల అమ్మాయిని తన లైంగిక కోరిక తీరిస్తే.. సినిమా ఛాన్స్ ఇస్తానంటూ ఓ సినీ దర్భకుడు ఒత్తిడి చేసిన ఘటన పూణే నగరంలో సంచలనం రేపింది.

పూణే : సినిమాలో ఛాన్స్ కోసం వెళ్లిన ఓ కళాశాల అమ్మాయిని తన లైంగిక కోరిక తీరిస్తే.. సినిమా ఛాన్స్ ఇస్తానంటూ ఓ సినీ దర్భకుడు ఒత్తిడి చేసిన ఘటన పూణే నగరంలో సంచలనం రేపింది. గత ఆదివారం చోటుచేసుకున్న ఈ ఘటన ఆలస్యంగా వెలుగులోనికి వచ్చింది. వివరాల్లోకి వెళితే...

మహారాష్ట్రలోని జెజూరీ గ్రామానికి చెందిన 19 ఏళ్ల అమ్మాయి పూణే నగరంలోని ఓ ప్రముఖ కళాశాలలో చదువుకుంటోంది. సెలవుల్లో తన స్వగ్రామమైన జెజూరీకి వచ్చిన అమ్మాయికి వాట్సాప్‌లో తాము కొత్తగా నిర్మించనున్న ఓ సినిమాలో హీరోయిన్‌గా నటించేందుకు ఆడిషన్స్ నిర్వహిస్తున్నట్లు మెసేజ్ వచ్చింది.

దీంతో సినిమాలో నటించాలనే తన కలను నిజం చేసుకుందామని భావించిన ఆ విద్యార్థిని బ్యాగులో బట్టలు సర్దుకొని పూణే నగరానికి వచ్చింది. ఆడిషన్ కోసం కాలేవాడీలోని తప్కీర్ చౌక్ కు వెళ్లి సినీదర్శకుడు అప్పా పవార్‌ను కలిసింది.

ఇదే అదనుగా దర్శకుడు అప్పా పవార్‌ తన దుర్బుద్ధిని బయటపెట్టుకున్నాడు. ఆ యువతికి ఆడిషన్ చేయకుండానే తన లైంగిక కోరిక తీరిస్తే సినిమాల్లో నటించేందుకు పలు అవకాశాలు కల్పిస్తానని చెప్పాడు.

అతడి మాటలతో షాక్ కు గురైన సదరు విద్యార్థిని భయంతో అక్కడినుంచి తిరిగి జెజూరీ గ్రామానికి వెళ్లిపోయింది. రెండు రోజుల తర్వాత తిరిగి పూణే వచ్చి సదరు సినీ దర్శకుడిపై పోలీసులకు ఫిర్యాదు చేసింది. ఈ ఫిర్యాదుపై తాము ఐపీసీ సెక్షన్ 354 కింద కేసు నమోదు చేసి పరారీలో ఉన్న నిందితుడి కోసం గాలిస్తున్నట్లు వాకాడ్ పోలీస్ స్టేషన్ సబ్ ఇన్ స్పెక్టరు సంగీత చెప్పారు.

English summary

A 19-year-old girl from Jejuri was visiting Pune to audition for a role in a movie. When in Pune, she was all prepared to go for the audition and when she called to confirm the timings, she found to her dismay that they had been postponed. Extending her stay in the city, she finally went for the auditions on Sunday (August 6) at Kalewadi, Tapkir Chowk. According to her statement given to the police, when she reached the audition venue and met with the director, Appa Pawar, who is the accused in the case, instead of taking her audition, he asked her to be in a sexual relationship with her. In return for this, he promised to give her many film offers. Shocked at his lewd advances, she ran away from there and immediately returned to Jejuri. It was after two days that she returned to Pune to file a case at Wakad police station.