బంధువే దూత: మోడీతో విజయకాంత్ దోస్తీ? (పిక్చర్స్)

By Srinivas

Published: Friday, February 28, 2014, 12:21 [IST]

చెన్నై: ప్రముఖ నటుడు విజయకాంత్ ఆధ్వర్యంలోని డిఎండికె భారతీయ జనతా పార్టీతో పొత్తుకు సిద్ధమైనట్లుగా కనిపిస్తోంది. త్వరలో లోకసభ ఎన్నికలు జరగనున్న నేపథ్యంలో తమిళనాడులో పొత్తుల అంశంపై ఉత్కంఠ దాదాపు ముగిసింది.

బిజెపి మొదట అన్నాడిఎంకె అధినేత్రి, తమిళనాడు ముఖ్యమంత్రి జయలలిత పైన ఆశలు పెట్టుకుంది. ఆమె థర్డ్ ఫ్రంట్ వైపు వెళ్నారు. ఇప్పుడు లోకసభ ఎన్నికల్లో బిజెపితో పొత్తుకు విజయకాంత్ సిద్ధమయ్యారు.

విజయకాంత్‌తో పాటు వైకో, రామ్‌దాస్ తదితరులు కూడా బిజెపితో చేయి కలపనున్నాయి. విజయకాంత్ బంధువు ఒకరు మోడీని కలిసి పొత్తు విషయాన్ని ఓ కొలిక్కి తీసుకు వచ్చినట్లుగా తెలుస్తోంది.

ఆ పార్టీలకు దూరం

సమాచారం మేరకు విజయకాంత్ ఆధ్వర్యంలోని డిఎండికె, బిజెపిల మధ్య పొత్తు కుదిరింది. ఇక తమిళనాడులోని సీట్ల విషయమై చర్చించవలసి ఉంది. రాష్ట్రంలోని ప్రధాన పార్టీలకు విజయకాంత్ దూరంగా ఉండనున్నారు.

బిజెపి

తమిళనాడు రాష్ట్రానికి చెందిన బిజెపి సీనియర్ నేత ఒకరు మాట్లాడుతూ... విజయకాంత్ నేతృత్వంలోని డిఎండికెకు 12 లోకసభ స్థానాలు ఇచ్చేందుకు తమ పార్టీ సిద్ధంగా ఉందని చెప్పారు.

విజయకాంత్

విజయకాంత్ గతంలో 14 లోకసభ స్థానాల కోసం పట్టుబట్టారట. డిఎండికెతో పాటు పిఎంకెను కూడా తమ వైపుకు తీసుకు వచ్చేందుకు బిజెపి చేసిన ప్రయత్నాలు ఫలించినట్లుగా కనిపిస్తున్నాయంటున్నారు.

డిఎండికె

భారతీయ జనతా పార్టీ ప్రధానమంత్రి అభ్యర్థి నరేంద్ర మోడీ మార్చిలో తమిళనాడులో పర్యటించనున్నారు. ఇందులో రాష్ట్రంలో తమతో కలిసి వచ్చే నేతలతో కలిసి బహిరంగ సభలో పాల్గొననున్నారు.

బిజెపితో డిఎండికె

ప్రముఖ నటుడు విజయకాంత్ ఆధ్వర్యంలోని డిఎండికె భారతీయ జనతా పార్టీతో పొత్తుకు సిద్ధమైంది. త్వరలో లోకసభ ఎన్నికలు జరగనున్న నేపథ్యంలో తమిళనాడులో పొత్తుల అంశంపై ఉత్కంఠ దాదాపు ముగిసింది.