డీఎంకే నేత దాష్టీకం: మహిళను ఇష్టానుసారంగా తన్నాడు(వీడియో)
చెన్నై: తమిళనాడులో డీఎంకే నాయకుడు ఒకడు మహిళపై ఇష్టానుసారంగా కాళ్లతో తన్నుతూ దాడి చేశాడు. ఈ వీడియో ఇప్పుడు వైరల్ మారింది. దీంతో నెటిజన్లు, ప్రజలు తీవ్రస్థాయిలో ఆగ్రహం వ్యక్తం చేశారు. దీంతో వెంటనే అతడ్ని డీఎంకే అధిష్టానం పార్టీ నుంచి సస్పెండ్ చేసింది.
వివరాల్లోకి వెళితే.. పెరంబలూరు జిల్లాలో డీఎంకే మాజీ కార్పొరేటర్ సెల్వకుమార్.. బ్యూటీ సెలూన్లోని ఓ మహిళపై విచక్షణారహితంగా దాడి చేశాడు. అక్కడ పనిచేసే ఇతర మహిళలు అడ్డుకున్నా.. ఆగకుండా ఆమెను పలుమార్లు కాలితో తన్నాడు.
#WATCH Former DMK Corporator Selvakumar hits a woman at a beauty salon in Tamil Nadu's Perambalur. The incident took place on 25th May' 18. He has been arrested by the police and has been suspended from primary membership of the party (Source: CCTV footage) pic.twitter.com/B623qaLc0k
— ANI (@ANI) September 13, 2018
ఈ తతంగమంతా అక్కడ ఉన్న సీసీ కెమెరాల్లో రికార్డమైంది. గత మే 25న జరిగిన ఈ ఘటన ఆలస్యంగా వెలుగుచూసింది. ఘటనపై బాధితురాలు ఫిర్యాదు చేయడంతో కేసు నమోదు చేసుకున్న పోలీసులు.. నిందితుడ్ని అరెస్ట్ చేసి రిమాండ్కు పంపారు. కాగా, సదరు మాజీ కార్పొరేటర్ ఆ మహిళకు రూ. 5లక్షలు అప్పు ఇచ్చినట్లు సమాచారం. ఈ క్రమంలోనే గొడవ జరిగినట్లు తెలుస్తోంది.
Click it and Unblock the Notifications
Sign in with Google