పార్కింగ్ కార్లకు నిప్పు: వీడిన మిస్టరీ, డాక్టర్ అమిత్ గైక్వాడ్ అరెస్ట్

బెంగుళూరు: ఇళ్ళ ముందు పార్కింగ్ చేసిన కార్లకు రాత్రి పూట నిప్పు పెడుతున్న డాక్టర్‌ను కర్ణాటక పోలీసులు ఎట్టకేలకు పట్టుకొన్నారు. కర్ణాటక రాష్ట్రంలోని కలబురిగి, బెళగావి ప్రాంతంలో ఇంటి ముందు పార్కింగ్ చేసిన కార్లను నిప్పు పెడుతూ భయబ్రాంతులకు గురి చేసిన డాక్టర్ అమిత్ గైక్వాడ్‌ను పోలీసులు గురువారం నాడు అరెస్ట్ చేశారు.

కలబురిగికి చెందిన అమిత్‌ గైక్వాడ్‌ బెళగావిలోని బిమ్స్‌ వైద్య కళాశాలలో ప్రొఫెసర్‌గా పని చేస్తున్నాడు. అమిత్‌ కొద్దిరోజులుగా కలబురిగి, బెళగావిలో ఇళ్ల ముందు నిలిపి ఉంచిన కార్లకు రాత్రి వేళల్లో నిప్పు పెట్టడం అలవాటుగా మారింది.

మూడు రోజుల క్రితం కూడా బెళగావిలో ఏపీఎంసీ లే అవుట్‌లోని ఎనిమిది కార్లకు గైక్వాడ్‌ నిప్పు పెట్టాడు. అంతకు ముందు కలబురిగిలో ఏడు కార్లను దహనం చేశాడు. బుధవారం రాత్రి కూడా బెళగావి సదాశివనరగ్‌లో కారుకు నిప్పు పెట్టడానికి ప్రయత్నిస్తుండగా అనుమానం వచ్చిన స్థానికులు గైక్వాడ్‌ను పట్టుకుని పోలీసులకు సమాచారం అందించారు.

దీంతో అమిత్‌ను అరెస్ట్‌ చేసిన పోలీసులు... అతడి వద్ద నుంచి నిప్పు పెట్టడానికి వినియోగిస్తున్న కర్పూరం, పాత బట్టలు, పెట్రోల్‌, కత్తుల స్వాధీనం చేసుకున్నారు. అయితే వాహనాలకు నిందితుడు ఎందుకు నిప్పుడు పెడుతున్నాడనే దానిపై పోలీసులు ఆరా తీస్తున్నారు.

English summary

A doctor who has a fetish for burning high-end cars, was caught red-handed on Wednesday night, setting ablaze a car parked beneath an apartment.