చిన్నారి పెళ్లి కూతురు ప్రత్యూష మృతి, షారుక్ ఖాన్ స్పందన

ముంబై: 'చిన్నారి పెళ్లి కూతురు' ఆనంది ఫేమ్ ప్రత్యూష బెనర్జీ ఆత్మహత్య పైన బాలీవుడ్ నటుడు షారుక్ ఖాన్ స్పందించాడు. ప్రత్యూష మృతికి ఆయన సంతాపం తెలిపాడు. అదే సమయంలో అవకాశాలు దొరకనప్పటికీ నటీనటులు అసంతృప్తికి లోనుకావొద్దని హితవు పలికారు.

జీవితంలో ఎట్టి ప‌రిస్థితుల్లో నిరాశ‌కు లోను కావొద్దని, విజయ సాధ‌న దిశ‌లో ఎటువంటి ఫ‌లితాలొచ్చినా బాధ‌ ప‌డొద్ద‌ని చెప్పారు. జీవితంలో మంచి, చెడు రెండింటికీ ఆస్కారం ఉంటుంద‌న్నారు. మీరు చేసిన కృషి వ‌ల్లే నేడు మీరు ఈ స్థాయిలో ఉన్నారని, ఎదుర‌య్యే ఆటుపోట్ల గురించి బాధ‌ప‌డ‌కూడ‌ద‌న్నారు.

చేతిలో ప‌ని లేన‌ప్పుడు నిరాశ చెంద‌కూడ‌ద‌ని, ప్ర‌తిభ ఉంటే ప‌ని ఎప్ప‌టికయినా ల‌భిస్తుంద‌న్నారు. తాను డ్యూయ‌ల్ రోల్‌ చేసిన 'ఫ్యాన్' సినిమా ప్ర‌మోష‌న్ సంద‌ర్భంగా షారుక్ ఖాన్ మీడియాతో మాట్లాడారు.

నిజ జీవితంలో నాకు నేను అభిమానిని కాదని, నాకు నేను నచ్చనని, ఒకవేళ అలా జరిగితే సినిమాల్లో తన పాత్రలో నేను జీవించలేనని, హీరో షారుఖ్‌లా నటిస్తానని చెప్పారు. అందుకే నన్ను నేను ఇష్టపడనని వ్యాఖ్యానించారు. అభిమానులు చూసినట్టు నా సినిమాలు నేను చూడనని, థియేటర్లోనే కాదు.. టీవీలో వచ్చినా చూడనని చెప్పారు. నా సినిమాలు నేను చూడటానికి ఇష్టపడనన్నారు.

English summary

Superstar Shah Rukh Khan expressed his condolences on the demise of TV actress Pratyusha Banerjee and urged actors not to feel insecure at the thought of not receiving sufficient work.