షాకింగ్: పేకమేడలా కూలిన మూడంతస్తుల భవనం
పాట్నా: బీహార్లో ఓ భవంతి పేకమేడలా కూలిపోయింది. మూడు అంతస్తులు ఉన్న ఈ భవనం ఒక్కసారిగా కూలిపోవడం వీడియోలో బంధించబడింది. ఈ సంఘటన బీహార్లోని షియోహర్ జిల్లాలో మంగళవారం నాడు చోటు చేసుకుంది.
ఈ ఘటనలో పలువురికి గాయాలయ్యాయి. ఈ భవనం పేకమేడలా కూలిన సంఘటన సోషల్ మీడియాలో హల్చల్ చేస్తోంది. జిల్లాలోని ఓ గ్రామంలో రైలు బోగీలా ఈ భవంతిని కట్టారు. ఇది మూడంతస్తుల భవనం. ఇది భారీ శబ్దం చేస్తూ కూలిపోయింది.
ఇది కుప్ప కూలడం కూలడం పక్కింటిపై పడింది. నిర్మాణ లోపాల కారణంగా ఈ భవనం కుప్పకూలిందని స్ధానికులు చెబుతున్నారు. భవనం కూలుతుండగా తీసిన వీడియో ఇప్పుడు సోషల్ మీడియాలో హల్ చల్ చేస్తోంది. గాలికి ఊగినట్టు అటూఇటూ ఊగుతూ కుప్పకూలడం పేకమేడను గుర్తు చేసింది.
Click it and Unblock the Notifications
Sign in with Google