అమెరికా, ఇజ్రాయెల్ సరసన భారత్.. ఐరన్ డోమ్
భారత్ సొంతంగా 'ఐరన్ డోమ్' తరహా రక్షణ వ్యవస్థను అభివృద్ధి చేయాలనే దిశగా ముందుడుగు పడింది. ఈ దిశగా డీఆర్డీఓ చేపట్టిన ప్రయోగాలు విజయవంతం అయ్యాయి. ఈ నెల 10, 11 తేదీల్లో వరుసగా మూడు క్షిపణి ప్రయోగాలను చేపట్టింది. అత్యంత శక్తిమంతమైన బాలిస్టిక్ మిసైల్ డిఫెన్స్ తో పాటు నౌకా దాడి సామర్థ్యంలో కూడా ఈ పరీక్షలు అద్బుత ప్రగతిని కనపర్చాయి. ఎటువంటి లక్ష్యాన్ని అయినా ఛేదించగలవని నిరూపించాయి.
ఒడిశాలోని చాందీపూర్లో ఉన్న ఇంటిగ్రేటెడ్ టెస్ట్ రేంజ్ నుంచి డీఆర్డీఓ రెండు అధునాతన ఇంటర్సెప్టర్ క్షిపణులను పరీక్షించింది. ఇవి ఇంటర్మీడియట్ రేంజ్ బాల్లిస్టిక్ మిస్సైళ్లు. ఇవి.. 2,000 నుంచి 5,000 కిలోమీటర్ల పరిధి ఉన్న శత్రువుల బాలిస్టిక్ ముప్పును గుర్తించగలవు. వాటి కదలికలను ట్రాక్ చేయడంతో పాటు అక్కడికక్కడే నిర్వీర్యం చేయగల సామర్థ్యం వీటి సొంతం. ఎండో-అట్మాస్ఫెరిక్, ఎక్సో-అట్మాస్ఫెరిక్ ప్రాంతాల్లోనూ ఇవి పని చేయగలవు.
ఈ రెండు ఇంటర్సెప్టర్ క్షిపణులు తమ లక్ష్యాలను విజయవంతంగా ఛేదించాయి. భూ వాతావరణంలోనే కాకుండా అంతరిక్షం నుంచి అంటే శాటిలైట్ల ద్వారా సంభవించే దాడులను కూడా అడ్డుకునే సామర్థ్యం వీటికి ఉంది. ప్రపంచంలో కొద్ది దేశాలకు మాత్రమే ఈ తరహా రక్షణ వ్యవస్థ అందుబాటులో ఉండటం ప్రాధాన్యతను సంతరించుకుంది. అమెరికా, రష్యా, ఇజ్రాయెల్తో పాటు నాటో సభ్య దేశాలు వివిధ వైమానిక ముప్పులను ఎదుర్కొనే సమగ్ర బాలిస్టిక్ మిస్సైల్ డిఫెన్స్ వ్యవస్థలను అభివృద్ధి చేశాయి.
ఇప్పుడు భారత్ కూడా వాటి సరసన నిలవాలని లక్ష్యంగా పెట్టుకుంది. ఈ క్రమంలో ఈ తాజా పరీక్షలను నిర్వహించింది. మరోవైపు డీఆర్డీఓ నావల్ యాంటీ షిప్ మిస్సైల్-మీడియం రేంజ్ లో మొదటి ఫ్లైట్ టెస్ట్ ను కూడా నిర్వహించింది. నౌకల నుంచి ప్రయోగించిన ఈ క్షిపణి, సముద్ర లక్ష్యాలపై ఖచ్చితమైన దిశానిర్దేశం, తక్కువ ఎత్తులో సముద్ర ఉపరితలానికి దగ్గరగా ప్రయాణించడం, టార్గెట్ ను ఛేదించగలదు. ఈ మూడు వరుస పరీక్షలతో భారత్ కూడా వైమానిక, సముద్ర జలాల ముప్పును ఎదుర్కొనే సమగ్ర రక్షణ సామర్థ్యాన్ని అందుకున్నట్టయింది.
Click it and Unblock the Notifications
Sign in with Google