కారు దిగిందో లేదో.. కత్తితో ఆమెను ఎటాక్ చేసిన డ్రైవర్, ఆపై..

బెంగుళూరు : ఆరు నెలలు కారు డ్రైవర్ గా పనిచేసిన వ్యక్తి.. గత శుక్రవారం నాడు యజమానురాలికే దిమ్మ తిరిగే షాక్ ఇచ్చాడు. ఏకంగా ఆమెను కత్తితో బెదిరించి అదే కారులో అక్కడినుంచి పరారయ్యాడు. బెంగళూరులోని జేపీ నగర్ ఏడవ స్టేజీ పరిధిలో ఉన్న ఎల్ అండ్ టీ సౌత్ సిటీ అపార్ట్ మెంట్ లో ఈ ఘటన చోటు చేసుకుంది.

వివరాల్లోకి వెళ్తే.. సౌత్ సిటీ అపార్ట్ మెంట్ సునంద అనే గృహిణి నివసిస్తోంది. నగేష్ అనే వ్యక్తి 6 నెలలుగా ఆమె వద్ద కారు డ్రైవర్ గా పనిచేస్తున్నాడు. ఇదే క్రమంలో.. శుక్రవారం రాత్రి 7.30 గంటల సమయంలో సునందను కారులో ఇంటి వద్ద డ్రాప్ చేసిన నగేష్, ఆ వెంటనే ఆమెను కత్తితో బెదిరించాడు.

అనంతరం సునంద వద్ద ఉన్న నగలన్నింటిని తీసుకుని ఆమెను తీవ్రంగా గాయపరిచాడు నగేష్. దోచుకున్న నగలతో సునంద కారులోనే పరారయ్యాడు. విషయంపై హులిమావు పోలీస్ స్టేషన్ లో ఫిర్యాదు చేయడంతో.. ప్రస్తుతం నగేష్ ను పట్టుకోవడానికి బెంగళూరు పోలీసులు ప్రత్యేక బృందాన్ని రంగంలోకి దింపారు.

English summary

Driver Nagesh was escaped with his owners car and jewellery in bangalore. In south estate apartments the incident took place. The car owner name was Sunanda who is housewife