అమెరికా కల సాకారానికి.. భారతీయులకు ఇదే బెస్ట్ వీసా

అమెరికా కలల సాకారానికి భారతీయులకు బెస్ట్ వీసాగా ఈబీ-5 వీసా ఉన్నట్టు అమెరికా ఇమ్మిగ్రేషన్ లాయర్లు చెబుతున్నారు.

చండీగఢ్: అమెరికా అధ్యక్షుడు డొనాల్డ్ ట్రంప్‌ తీసుకుంటున్న నిర్ణయాలు అక్కడ నివసిస్తున్న భారతీయుల్లో గుండెల్లో దడ పుట్టిస్తు‍న్న సంగతి తెలిసిందే. ఈ నేపథ్యంలో అమెరికా కలల సాకారానికి భారతీయులకు బెస్ట్ వీసాగా ఈబీ-5 వీసా ఉన్నట్టు అమెరికా ఇమ్మిగ్రేషన్ లాయర్ చెప్పారు.

అమెరికాలో గ్రీన్ కార్డు పొందాలనుకునే వారికి ఈబీ-5 వీసా ఒక ఆశాకిరణమని అమెరికా ఇన్వెస్ట్ మెంట్ ఇమ్మిగ్రేషన్ అటార్నీ వాఘన్ డీ కిర్బీ తెలిపారు. ఆయన ఇక్కడ విలేకరుల సమావేశంలో మాట్లాడుతూ తమ సంస్థ విజయవంతంగా 1,300 ఈబీ-5 అప్లికెంట్లను కలిగి ఉందని చెప్పారు.

ఈ ప్రోగ్రాం ద్వారా అమెరికాలో పెట్టుబడులు పెడితే చాలు సదరు వ్యక్తి, అతని కుటుంబంతో సహా జీవితకాలం అమెరికాలోనే ఉండొచ్చని తెలిపారు. అయితే వారి పిల్లల వయసు మాత్రం 21 ఏళ్ల కంటే తక్కువగా ఉండాలని చెప్పారు.

మరో విషయం ఏమిటంటే.. ఈ ఈబీ-5 ఇన్వెస్ట్ మెంట్ వీసా ప్రొగ్రాం గడువు కూడా 2017 సెప్టెంబర్ 30తో ముగుస్తోంది. ఈ వీసా ప్రొగ్రాం కింద అప్లికెంట్ అమెరికాలో కనీసం 5 లక్షల డాలర్ల పెట్టుబడులు పెట్టాల్సి ఉంటుంది. అలా చేస్తేనే గ్రీన్ కార్డు పొందుతారు.

అదేవిధంగా శాశ్వత గ్రీన్ కార్డు పొందిన తర్వాత కూడా 10 మంది అమెరికన్లకు ఉద్యోగాలు కల్పించాల్సి ఉంటుంది. భారతీయులకు ఈ కేటగిరీ వీసా ప్రాసెసింగ్ సమయం కూడా కేవలం 18 నెలలే పడుతుందని ఇమ్మిగ్రేషన్ లాయర్ కిర్బీ చెప్పారు.

కొంతకాలంగా ట్రావెల్ బ్యాన్, హెచ్-1బీ వీసాలపై ఆంక్షలు విపరీతంగా పెరుగుతున్న సంగతి తెలిసిందే. ఈ పరిస్థితులు కారణంగా ఈబీ-5 వీసా తీసుకునే వారి సంఖ్య పెరుగుతోంది. అమెరికాలో స్వేచ్ఛగా ప్రయాణించడానికి, పనిచేయడానికి, ఈబీ-5 వీసానే సరియైనది కిర్బీ చెబుతున్నారు.

English summary

In view of the unsettled nature of H-1B employment visas and the long wait for applicants that exceeds 10 years, EB-5 visas have emerged as the best bet for Indian families aspiring for US green cards, a US immigration lawyer has said. Stating this at a press conference here, US Investment Immigration Attorney Vaughan de Kirby, whose firm has successfully represented over 1,300 EB-5 applicants, said EB-5 visas are the answer for enterprising Indians as one qualified investment can result in a green card for the applicants, their spouses and children under 21 years of age.