శేఖర్ రెడ్డికి మరో షాకిచ్చిన ఈడీ.. 30 కేజీల గోల్డ్ బార్స్ కూడా పాయె..

మనీలాండరింగ్ కేసులో చిక్కుకున్న శేఖర్ రెడ్డికి ఈడీ మరో షాక్ ఇచ్చింది. ఈ కేసులో ఆయనవి, ఆయన బంధువులకు సంబంధించిన రూ.8.56 కోట్ల విలువైన 30 కేజీల గోల్డ్ బార్స్ ను సోమవారం జప్తు చేసింది.

న్యూఢిల్లీ : తమిళనాడు ఇసుక క్వారీల వ్యాపారంలో చక్రం తిప్పి, మనీలాండరింగ్ కేసులో చిక్కుకున్న శేఖర్ రెడ్డికి ఎన్ ఫోర్స్ మెంట్ డైరెక్టరేట్ మరో షాకిచ్చింది. మనీ లాండరింగ్ కేసులో ఆయనవి, ఆయన బంధువులకు సంబంధించిన రూ.8.56 కోట్ల విలువైన 30 కేజీల గోల్డ్ బార్స్ ను ఈడీ అటాచ్ చేసింది.

మనీ లాండరింగ్ యాక్ట్ నిబంధనల మేరకు పాత నోట్లను కొత్త నోట్లకు మార్చుకునే కేసుకు సంబంధించి రెడ్డి, ఆయన బంధువులకు చెందిన రూ.8,56,99,350 విలువైన 30 కేజీల గోల్డ్ బార్స్ ను అటాచ్ చేస్తున్నామని ఏజెన్సీ జోనల్ ఆఫీసు సోమవారం ప్రొవిజనల్ అటాచ్ మెంట్ ఆర్డర్ జారీచేసిందని ఎన్ ఫోర్స్ మెంట్ డైరెక్టరేట్ ఓ ప్రకటనలో తెలిపింది.

నల్లధనం నిర్మూలనలో భాగంగా కేంద్ర ప్రభుత్వం పెద్ద నోట్ల రద్దు నిర్ణయం తీసుకున్న అనంతరం శేఖర్ రెడ్డి మనీ లాండరింగ్ కు పాల్పడి ఐటీ డిపార్ట్ మెంట్ తనిఖీల్లో పట్టుబడ్డారు. తమిళనాడుతో సహా దేశమంతటా శేఖర్ రెడ్డి వ్యవహారం సంచలనం రేపింది.

ఐటీ దాడుల్లో రూ.142 కోట్ల అక్రమ ఆదాయం ఆయన వద్ద ఉన్నట్టు తేలింది. రూ.34 కోట్ల కొత్త నోట్లను, రూ.97 కోట్ల పాత నోట్లను, 177 కేజీల బంగారాన్ని ఐటీ అధికారులు స్వాధీనం చేసుకున్నారు. తిరుమల తిరుపతి దేవస్థానం కూడా ఈయన్ని బోర్డు సభ్యుడిగా తీసేసింది. ఈ కేసులో ఇప్పటికే ఈడీ రూ.34 కోట్ల విలువైన ఆస్తులను అటాచ్ చేయగా, తాజాగా 30 కేజీల గోల్డ్ బార్స్ ను కూడా అటాచ్ చేసింది.

English summary

Tamil Nadu sand mining baron J Sekhar Reddy suffered a setback on Monday after the Enforcement Directorate (ED) attached 30 kg gold bars worth Rs 8.56 crore in connection with a money laundering case against him and his associates. The case was registered by the probe agency against Reddy post demonetisation. The agency's zonal office here issued a provisional attachment order "attaching 30 kg of gold bars worth Rs 8,56,99,350 of Reddy and his associates in connection with the exchange of old notes to new currency notes under the provisions of the Prevention of Money Laundering Act," the Enforcement Directorate said in a statement, as quoted by PTI.