మోడలింగ్ లో అవకాశమిస్తానంటూ వీడియో తీసి, ఇలా....
ఫేస్ బుక్ లో పరిచయమైన మైనర్ బాలికను మోడలింగ్ లో అవకాశం కల్పిస్తానని చెప్పి
బెంగుళూరు:ఫేస్ బుక్ లో పరిచయమైన విధ్యార్థినికి మోడలింగ్ రంగంలో అవకాశాలు ఇప్పిస్తానని నమ్మించి లోబర్చుకొని లైంగికదాడులకు పాల్పడ్డాడు.ఈ ఘటన కర్ణాటక రాష్ట్రంలో చోటుచేసుకొంది.
ముంబైకి చెందిన మైనర్ బాలిక బెంగుళూరులోని ఓ ప్రైవేట్ కాలేజీలో ఇంటర్ చదువుతోంది. ఫ్యాషన్ ఈవెంట్ మేనేజర్ గా పనిచేస్తోన్న ప్రగదీశ్ కపూర్ అనే వ్యక్తి ఆ బాలికను ఫేస్ బుక్ లో పరిచయం చేసుకొన్నాడు.
మోడలింగ్ లో అవకాశం కల్పిస్తానని ఆ బాలికను నమ్మించాడు. ఆమెకు తెలియకుండానే పాలలో మత్తుమందు ఇచ్చి అత్యాచారానికి పాల్పడ్డాడు. ఈ దృశ్యాలను వీడియోలో చిత్రీకరించాడు. ఈ వీడియోల ద్వారా ఆమెను బ్లాక్ మెయిల్ చేసేవాడు.
అంతేకాదు తాను కోరుకొన్నప్పుడల్లా ఆ బాలికపై అత్యాచారానికి పాల్పడేవాడు. నిందితుడి వేధింపులు తట్టుకోలేక బాలిక రామమూర్తి నగర పోలీస్ స్టేషన్ లో ఫిర్యాదు చేసింది.
ఈ ఫిర్యాదు ఆధారంగా పోలీసులు దర్యాప్తు చేపట్టారు. బుదవారం నాడు కపూర్ ను అరెస్టు చేశారు. నిందితుడి నుండి ల్యాప్ టాప్ ,ఫోన్ ను స్వాధీనం చేసుకొన్నారు.
ఈ ల్యాప్ టాప్ ల్లో ఇతర మోడల్స్, ఫోటోలు, వీడియోలను పోలీసులు గుర్తించారు. నిందితుడిపై పోస్కో కింద కేసు నమోదు చేశారు పోలీసులు.
Click it and Unblock the Notifications
Sign in with Google