కూతుర్ని కిడ్నాప్ చేసి రెండేళ్లుగా తండ్రి అత్యాచారం

థానే: ఓ తండ్రి కూతురి పైన రెండేళ్లుగా అత్యాచారం చేసిన ఘటన థానేలో వెలుగు చూసింది. పదమూడేళ్ల కన్న కూతురిని కిడ్నాప్ చేసి ఆపై అత్యాచారం చేసినందుకు శనివారం రాత్రి పోలీసులు తండ్రిని అరెస్టు చేశారు. అతడి పైన అత్యాచారం, కిడ్నాప్ తదితర కేసులు నమోదు చేశారు.

ఉదయం అతడిని మెజిస్ట్రేట్ ముందు హాజరు పర్చగా నవంబర్ 12వ తేదీ వరకు రిమాండు విధించింది. మూడు రోజుల క్రితం కూతురు తమకు ఫిర్యాదు చేయడంతో అతడిని అరెస్టు చేసినట్లు పోలీసులు చెప్పారు. తన తండ్రి తనను కిడ్నాప్ చేసి రెండేళ్లుగా అత్యాచారం చేస్తున్నాడని ఆమె ఫిర్యాదులో పేర్కొంది.

అంతకుముందు తన కుమార్తె ఆచూకీ తెలియక పోవడానికి కారణం తన భర్తేనని భార్య పోలీసులను ఆశ్రయించింది. భర్తను పోలీసులు విచారించగా, కుమార్తె ఆచూకీని చెప్పాడు.

దాంతో పోలీసులు మైనర్ బాలికను తీసుకు వచ్చారు. ఆమెను విచారించగా తనను తండ్రే కిడ్నాప్ చేసి, అత్యాచారం చేశాడని చెప్పింది.

English summary

In a shocking incident, Police registered a case against father for kidnapping daughter.