అమానుషం : కన్నబిడ్డపై తండ్రి అత్యాచారం.. గర్భం దాల్చిన బాలిక..

తమిళనాడులో దారుణం జరిగింది. కన్నబిడ్డను కంటికి రెప్పలా చూసుకోవాల్సిన తండ్రే కాటేశాడు. కామంతో కళ్లు మూసుకుపోయి ఆమెపై అత్యాచారానికి పాల్పడ్డాడు. ఇటీవల ఆమె గర్భం దాల్చడంతో అసలు విషయం బయటపడింది.

వివరాల్లోకి వెళ్తే.. తమిళనాడులోని నాగపట్నంలో ఉన్న మైలదుతురైలో ఓ జంట నివాసముంటోంది. వీరికి 14 ఏళ్ల కుమార్తె ఉంది. తొమ్మిదో తరగతి చదువుతున్న ఆ బాలిక ఇటీవల అనారోగ్యానికి గురైంది. దీంతో ఆమె తల్లి స్థానిక ఆసుపత్రికి తీసుకెళ్లి వైద్య పరీక్షలు చేయించగా బాలిక గర్భం దాల్చినట్టు తేలింది.

ఏం జరిగిందని తల్లి ఆరా తీయడంతో బాలిక అసలు విషయం బయటపెట్టింది. తండ్రే తనపై పలుమార్లు అత్యాచారానికి పాల్పడ్డాడని తెలిపింది. దీంతో కుమార్తెను వెంటపెట్టుకుని పోలీస్ స్టేషన్‌కు వెళ్లిన ఆ తల్లి పోలీసులకు ఫిర్యాదు చేసింది. ఆమె ఫిర్యాదు మేరకు నిందితుడిపై పోక్సో చట్టంపై కేసు నమోదు చేసిన పోలీసులు అతన్ని అరెస్ట్ చేసి జ్యుడీషియల్ కస్టడీలోకి తీసుకున్నారు. నిందితుడిపై కఠిన చర్యలు తీసుకుంటామని చెప్పారు.

English summary

A man in Tamil Nadu's Nagapattinam is accused of repeatedly raping his teenage daughter and then impregnating. He has been booked by the police under the Pocso act.