ఎంపీ సీటు గ్యారెంటి ?, అక్కడ సోదరి, ఇక్కడ మాస్ లీడర్, రెండు పార్టీలు బంపర్ ఆఫర్, అంతేనా !

ఒకప్పుడు బళ్లారి అంటే కాంగ్రెస్, కాంగ్రెస్ అంటే బళ్లారి అనే సంప్రదాయం ఉండేది. 2004 తర్వాత బీజేపీ మెల్లగా లోక్‌సభలో కాంగ్రెస్‌కు చుక్కలు చూపించి కమలం పార్టీ సత్తా చాటుకుంది. తరువాత బళ్లారిలో కాంగ్రెస్ కు అడ్రస్ లేకుండా చేసింది. ప్రస్తుతం బీజేపీ ఎంపీలున్న బళ్లారి నియోజకవర్గంలో గెలుపొందడం కాంగ్రెస్‌కు ప్రతిష్ఠాత్మకంగా మారింది.

అయితే బళ్లారిలో బీజేపీకి ఉనికి ప్రశ్నార్థకంగా మారింది. బళ్లారి లోక్‌సభ నియోజక వర్గంలో బీజేపీకి చెందిన వై. దేవేంద్రప్ప ఎంపీ. ఈ నియోజ‌క‌వ‌ర్గంలో గెలుపొందేందుకు స‌రైన అభ్య‌ర్థుల కోసం కాంగ్రెస్ అన్వేషిస్తోంది. బళ్లారి లోక్‌సభ స్థానాన్ని మళ్లీ కైవసం చేసుకునేందుకు బీజేపీ కూడా అనేక ప్రయత్నాలు చేస్తోంది. ఇప్పటికే బళ్లారిలో బీజేపీ బలంగా రాజకీయ కార్యకలాపాలు ప్రారంభించింది.

మళ్లీ బళ్లారి లోక్‌సభ స్థానాన్ని బీజేపీ కైవసం చేసుకునేందుకు సిద్ధమవుతోంది. బళ్లారి లోక్‌సభ నియోజకవర్గం అభ్యర్థిగా ప్రస్తుత ఎంపీ వై.దేవేంద్రప్ప స్థానంలో వాల్మీకి సామాజికవర్గానికి చెందిన బలమైన నేత, కర్ణాటక మాజీ మంత్రి బి. శ్రీరాములును బరిలోకి దింపాలని బీజేపీ హైకమాండ్ యోచించినట్లు తెలిసింది. 2023 అసెంబ్లీ ఎన్నికల్లో ఓడిపోయిన మాజీ మంత్రి శ్రీరాములు వచ్చే లోక్‌సభ ఎన్నికల్లో పోటీ చేసేందుకు మొగ్గు చూపుతున్నట్లు సమాచారం.

ఉప ఎన్నికల్లో బళ్లారి నుంచి కాంగ్రెస్‌ పార్టీ నుంచి గెలిచిన వీఎస్‌ ఉగ్రప్ప ఈసారి కూడా టికెట్‌ ఆశించారు. బళ్లారి జిల్లా ఇన్‌చార్జి మంత్రి బి. నాగేంద్ర సోదరుడు వెంకటేష్ ప్రసాద్ కూడా లోక్ సభ టికెట్ ఆశిస్తున్నారు. వాల్మీకి సామాజికవర్గంలో పలుకుబడి ఉన్న శ్రీరాములును ఎన్నికల బరిలోకి దింపడం ద్వారా సులువుగా విజయం సాధించవచ్చని బీజేపీ హైకమాండ్ లెక్కలు వేసింది.

ఇప్పటికీ బళ్లారి లోక్‌సభ నియోజకవర్గంలో ఎనిమిది అసెంబ్లీ నియోజకవర్గాలు ఉన్నాయి. బళ్లారి నుంచి నాలుగు నియోజక వర్గాలు, విజయనగరం జిల్లాల నుండి నాలుగు నియోజకవర్గాలను బళ్లారి లోక్ సభ నియోజక వర్గంలో ఉన్నాయి. బళ్లారిలోని నాలుగు నియోజకవర్గాల్లోనూ కాంగ్రెస్ ఎమ్మెల్యేలు ఉన్నారు. విజయనగరంలో రెండు నియోజకవర్గాల్లో కాంగ్రెస్ ఎమ్మెల్యేలు ఉన్నారు.

ఒక నియోజకవర్గంలో జేడీఎస్ ఎమ్మెల్యే, మరో నియోజకవర్గంలో బీజేపీ ఎమ్మెల్యే ఉన్నారు. కాబట్టి ఈసారి వై. దేవేంద్రప్ప స్థానంలో శ్రీరాములు పోటీ చేస్తే కచ్చితంగా గెలుపు సులువు అవుతుందని బీజేపీ హైకమాండ్ లెక్కలు వేస్తోందని తెలిసింది. అయితే రెండు రోజుల క్రితమే బళ్లారి మాజీ ఎంపీ, మాజీ మంత్రి బళ్లారి శ్రీరాములు సోదరి జే. శాంతా ఆంధ్రప్రదేశ్ సీఎం వైఎస్ జగన్ సమక్షంలో వైఎస్ఆర్ సీపీలో చేరిన విషయం తెలిసిందే.

English summary

Former Karnataka minister Sriramulu is preparing to contest from Bellary Lok Sabha constituency ?. BJP high command is thinking of giving ticket to Sriramulu in place of sitting MP Devendrappa.