Bharat Jodo Yatra: రాహుల్ గాంధీ భారత్ జోడో యాత్రలో రాఘురామ్ రాజన్..

భారతీయ రిజర్వ్ బ్యాంక్ (RBI) మాజీ గవర్నర్ రఘురామ్ రాజన్ బుధవారం ఉదయం రాహుల్ గాంధీ భారత్ జోడో యాత్రలో పాల్గొన్నారు.రాహుల్ గాంధీతో కలిసి పాదయాత్ర చేశారు. రాజస్థాన్‌లోని సవాయ్ మాధోపూర్ నుంచి ఈ రోజు పాదయాత్ర ప్రారంభం కాగా.. రఘురామ రాజన్ పాల్గొన్నారు. ఇందుకు సంబంధించి ఫొటోలను కాంగ్రెస్ ట్విట్టర్ లో పోస్ట్ చేసింది.

కాంగ్రెస్ ట్వీట్

"#BharatJodoYatra మాజీ RBI గవర్నర్ రఘురామ్ రాజన్ రాహుల్ గాంధీతో కలిసి నడిచారు. విద్వేషానికి వ్యతిరేకంగా దేశాన్ని ఏకం చేయడానికి పెరుగుతున్న వారి సంఖ్య హమ్ హోంగే కమియాబ్ (మేము విజయం సాధిస్తాము) అని చూపిస్తుంది" అని కాంగ్రెస్ ట్వీట్ చేసింది.

రఘురామ్ రాజన్

ఆర్‌బీఐ మాజీ గవర్నర్ పాదయాత్రలో పాల్గొనడంపై బీజేపీ స్పందిస్తూ, రాజన్ తనను తాను తదుపరి మన్మోహన్ సింగ్‌గా అభివర్ణిస్తున్నారని పేర్కొంది. "రాహుల్ గాంధీ భారత్ జోడో యాత్రలో కాంగ్రెస్‌కు చెందిన మాజీ ఆర్‌బిఐ గవర్నర్ రఘురామ్ రాజన్ చేరడం ఆశ్చర్యం కలిగించదు. అతను తనను తాను తదుపరి మన్మోహన్ సింగ్‌గా అభివర్ణించుకున్నాడు" అని బీజేపీ నేత అమిత్ మాల్వియా అన్నారు.

భారత్ జోడో యాత్రలో

వచ్చే ఏడాది గణతంత్ర దినోత్సవం రోజున కాశ్మీర్‌లో ముగియనున్న భారత్ జోడో యాత్రలో ఇప్పటి వరకు వివిధ రంగాలకు చెందిన పలువురు పాల్గొన్నారు. గత కొన్ని నెలలుగా గాంధీ యాత్రలో పాల్గొన్న వారిలో ఉద్యమకారిణి మేధా పాట్కర్, స్వయం-స్టైల్ గాడ్ మాన్ నామ్‌దేవ్ దాస్ త్యాగి , నటి స్వర భాస్కర్ మరియు బాక్సర్ విజేందర్ సింగ్ ఉన్నారు.

నోట్ల రద్దు

రఘు రామ్ రాజన్ గతంలో నోట్ల రద్దును వ్యతిరేకించారు. అర్థం లేని నిర్ణయాల వల్ల దీర్ఘకాల ప్రయోజనాలకు ఆటంకం కలుగుతుందని తాను రాసిన ఓ పుస్తకంలో రఘు రామ్ రాజన్ ప్రస్తావించారు. భారత ఆర్థిక వృద్ధి, ద్రవ్యలోటుపైనా ఆయన ఆందోళన వ్యక్తం చేశారు.

English summary

Former Reserve Bank of India (RBI) Governor Raghuram Rajan participated in Rahul Gandhi's Bharat Jodo Yatra on Wednesday morning. Walked with Rahul Gandhi.