ఓఎంసి నిందితుడు గాలి జనార్ధన్ రెడ్డికి బెయిల్

బెంగళూరు: ఓబుళాపురం మైనింగ్ కంపెనీ కేసులో ప్రధాన నిందితుడు గాలి జనార్ధన్ రెడ్డికి బెంగళూరు న్యాయస్థానం తాత్కాలిక బెయిల్ మంజూరు చేసింది. వెన్నునొప్పితో బాధపడుతున్న కారణంగా ఆయనకు 5 రోజులపాటు బెయిల్ మంజూరు చేసిన న్యాయస్థానం, ఆ ఐదు రోజులు కూడా ఆస్పత్రిలోనే ఉండాలని షరతు విధించింది.

ఫిబ్రవరి 17 నుంచి 24వ తేదీ వరకు బెంగళూరులోని కొలంబియా ఏరియా ఆస్పత్రిలో పోలీసు భద్రత మధ్య చికిత్స చేయించుకోవాలని కోర్టు ఆదేశించింది.

గాలి జనార్ధన్ రెడ్డికి ఆరోగ్యం సరిగా లేని కారణంగా బెయిల్ మంజూరు చేయాలని అతని తరపు న్యాయవాదులు న్యాయస్థానంలో పిటిషన్ దాఖలు చేశారు. ఈ మేరకు ఐదురోజులపాటు ఆస్పత్రిలో చికిత్స పొందవచ్చునని, అయితే ఇంటికి వెళ్లడానికి వీల్లేదని న్యాయస్థానం పేర్కొంది.

English summary

OMC occused Gali Janardan Reddy granted temporary bail from Bangalore court on Monday.