సల్మాన్ ఖాన్ మా తల్లిదండ్రులను వెతికిపెడ్తాడు: గీత
ఇండోర్: ప్రముఖ బాలీవుడ్ నటుడు సల్మాన్ఖాన్ తన తల్లిదండ్రులను వెతకడంలో సహాయం చేస్తాడనే నమ్మకం తనకు ఉందని గీత చెప్పింది. గీత అనే ఈ బధిర యువతి చిన్న వయస్సులో పాకిస్థాన్ వెళ్లిపోయి ఇటీవల భారత్ తిరిగి వచ్చిన సంగతి తెలిసిందే.
శనివారం ఆమె మోనికా పంజాబ్ వర్మ సహాయంతో మీడియాతో మాట్లాడారు. సల్మాన్ఖాన్ ఇటీవల నటించిన 'బజరంగీ భాయిజాన్' అనే చిత్రంలో పాకిస్థాన్కి చెందిన బాలికకు ఆమె తల్లిదండ్రులను వెతికిపెట్టడంలో సహాయం చేశాడు.
అదేవిధంగా నిజజీవితంలోనూ తనకు సహాయం చేస్తాడని గీత ఆశాభావం వ్యక్తం చేసింది. సల్మాన్ఖాన్ మేనేజర్తో మాట్లాడుతున్నామని.. త్వరలో సల్మాన్ని గీత కలిసేలా ఏర్పాట్లు చేస్తామని అక్కడి జిల్లా కలెక్టర్ తెలిపారు.
కాగా, ప్రస్తుతం గీత మధ్యప్రదేశ్లోని ఇండోర్లోని డఫ్ బైలింగ్వల్ అకాడమీలో గీత ఆశ్రయం పొందుతోంది. ఈ పాఠశాలలో సుమారు వంద మంది పిల్లలు ఉన్నారు. వారందరూ గీత లాంటి సమస్యలు ఎదుర్కొంటున్నవారే.