స్నేహితురాలి తల్లి సహకారంతో బాలికపై ఐదుగురు రేప్

చండీగఢ్: పదమూడేళ్ల బాలిక పైన ఆమె స్నేహితురాలి తల్లి ఇంట్లో ఐదుగురు అత్యాచారానికి ఒడిగట్టి, దానిని సెల్ ఫోన్లో బంధించిన సంఘటన హర్యానా రాష్ట్రంలో జరిగింది. ఇందుకు సంబంధించి స్థానిక పోలీసులు ఇద్దరిని శనివారం అరెస్టు చేశారు. నిందితులకు బాధిత బాలిక స్నేహితురాలి తల్లి కూడా సహకరించింది.

ఆ బాలిక తన తల్లిదండ్రులకు విషయాన్ని ఇటీవల చెప్పింది. వారు పోలీసులకు ఫిర్యాదు చేశారు. తనపై ఐదుగురు అత్యాచారానికి పాల్పడ్డారని, ఆ దృశ్యాలను చిత్రీకరించి, వాటి ద్వారా బెదిరించి పదే పదే బలవంత పెట్టే వారని ఫిర్యాదులో పేర్కొంది. పోలీసులకు చెబితే చంపుతామని బెదిరించారని తెలిపింది.

బాలిక ఫిర్యాదును నమోదు చేసుకున్న పోలీసులు ఇద్దరిని అరెస్టు చేశారు. నిందితుల్లో ఒకరైన మహేష్, వారికి సహకరించిన మీనా దేవిని పోలీసులు అరెస్టు చేసి న్యాయస్థానంలో హాజరుపర్చారు.

English summary

Three minors have raped a girl and oictured in cellphones in Warangal district. A medical student Sindhu has commited suicide at Tirupathi.