ప్రియుడి మోసం: డీజేతో వెళ్లి ఇంటి ముందు చిందేసింది(వీడియో)
న్యూఢిల్లీ: తనను ప్రేమించి మోసం చేసిన ప్రియుడికి ఎలాగైనా గుణపాఠం చెప్పాలనుకుంది ఓ యువతి. దీంతో ఏకంగా ప్రియుడి ఇంటికి ఓ డీజేతో వెళ్లింది. అక్కడ బాలీవుడ్ పాటలు పెట్టుకుని రోడ్డుపైనే చిందేస్తూ నిరసన తెలిపింది.
ఈ ఘటన పటౌడీ(గుర్గావ్)లో చోటు చేసుకుంది. తనను ప్రేమించి వదిలేయడంతో మనస్తాపానికి గురైన సదరు యువతి.. ప్రియుడి ఇంటి ముందుకు డీజేతో వెళ్లింది. అక్కడే బాలీవుడ్ పాటలు పెట్టుకుని రోడ్డుపైనే చిందులేసింది.
అమీర్ ఖాన్ నటించిన 'రాజా హిందుస్థానీ', ఆ తర్వాత తేరే ఇష్క్ మే నాచేంగే లాంటి పలు బాలీవుడ్ పాటలకు ఆమె చిందేసింది. ఈ సమయంలో ఆమె మద్యం తాగి ఉన్నట్లు తెలుస్తోంది. అయితే, ఆమె వాస్తవంగా మద్యం తాగిందా? లేక అలా నటించిందా? అనేది తెలియాల్సి ఉంది.
ఆ డ్యాన్స్ చేస్తున్న సమయంలో అక్కడ పెద్ద సంఖ్యలో ప్రజలు చేరి ఆ తతంగాన్ని వీక్షించారు. ప్రస్తుతం ఆమె డ్యాన్స్ వీడియో సోషల్ మీడియాలో హల్చల్ చేస్తోంది. కొందరు ఆమె చేసింది సరైన పనే అంటూ ఆమెకు మద్దతుగా నిలుస్తున్నారు.