గోవాలో మరోసారి కాషాయ సర్కార్: ముఖ్యమంత్రిగా పాతముఖమే

పనాజీ: గోవాలో మరోసారి భారతీయ జనతా పార్టీ.. ప్రభుత్వాన్ని ఏర్పాటు చేయనుంది. ముఖ్యమంత్రి ప్రమోద్ సావంత్ ప్రమాణ స్వీకారం చేయనున్నారు. ముఖ్యమంత్రిగా పగ్గాలను తీసుకోవడం వరుసగా రెండోసారి. మొన్నటి ఎన్నికల్లో పార్టీని గెలిపించిన కారణంగా ముఖ్యమంత్రిగా ప్రమోద్ అభ్యర్థిత్వానికే బీజేపీ అధిష్ఠానం మొగ్గు చూపింది. ఈ ఉదయం 11 గంటలకు శ్యామా ప్రసాద్ ముఖర్జీ స్టేడియంలో ప్రమాణ స్వీకారం చేస్తారు.

గవర్నర్ శ్రీధరన్ పిళ్లై ఆయనతో ప్రమాణం చేయిస్తారు. ఈ కార్యక్రమానికి కేంద్ర హోం శాఖ మంత్రి అమిత్ షా, బీజేపీ జాతీయ అధ్యక్షుడు జేపీ నడ్డా, కర్ణాటక ముఖ్యమంత్రి బసవరాజ్ బొమ్మై హాజరు కానున్నారు. ఈ కార్యక్రమంతో- దీనితో అసెంబ్లీ ఎన్నికలను ఎదుర్కొన్న అయిదు రాష్ట్రాల్లో కొత్త ప్రభుత్వాలు ఏర్పడినట్టవుతుంది. ఇప్పటికే పంజాబ్, ఉత్తరప్రదేశ్, ఉత్తరాఖండ్, మణిపూర్‌ ముఖ్యమంత్రుల ప్రమాణ స్వీకారం పూర్తయింది. ప్రమోద్ సావంత్ ప్రమాణ స్వీకారానికి సంబంధించిన మినిట్ టు మినిట్ అప్‌డేట్స్ మీకోసం..

English summary

Pramod Sawanth swearing in ceremony live updates in telugu.