Street Views: ఇప్పుడు దేశమంతటా గూగుల్ మ్యాప్స్ స్ట్రీట్ వ్యూ...
మనం ఇప్పుడు ఎక్కడికీ వెళ్లాలనుకుంటే రూట్ తెలియకపోతే ఏం ఉపయోగిస్తాం.. ఏముంది ఫోన్ లో గూగుల్ మ్యాప్స్ ఓపెన్ చేస్తాం. అందులో అడ్రస్ ఎంటర్ చేసి రయ్ మంటూ వెళ్లిపోతాం. అయితే వినియోగదారులకు మరింత సౌకర్యవంతంగా ఉండేందుకు గూగుల్ గూగుల్ మ్యాప్స్ స్ట్రీట్ వ్యూ తీసుకొచ్చింది. మనం అడ్రస్ కోసం వెతికే చోట ఉన్న షాపు, ఇల్లు లేదా ఆఫీస్ను 360 డిగ్రీల కోణంలో మనకు కనిపిస్తుంది. అయితే ఈ స్ట్రీట్ వ్యూ కేవలం ప్రధాన నగరాల్లోనే అందుబాటులో ఉండేది. కానీ ఇప్పుడు స్ట్రీట్ వ్యూ భారత్ అంతటా అందుబాటులోకి వచ్చింది.
గూగుల్ మ్యాప్స్ స్ట్రీట్ వ్యూను మొదట బెంగళూరులో పైలట్ ప్రాతిపదికన ప్రారంభించారు. దేశంలోని ప్రధాన నగరాల్లో అందుబాటులోకి తెచ్చారు. ఇప్పుడు దేశంలోని ప్రతి గ్రామంలో గూగుల్ స్ట్రీట్ అందుబాటులోకి వచ్చింది. ఢిల్లీ, హర్యానా, ఉత్తరప్రదేశ్, పశ్చిమ బెంగాల్, తెలంగాణలోని పలు గ్రామాల్లో పరీక్షించగా స్ట్రీట్ వ్యూ కనిపించింది.
Google మ్యాప్స్లోని స్ట్రీట్ వ్యూ Android స్మార్ట్ఫోన్లు, iPhoneలు రెండింటిలోనూ అందుబాటులో ఉంది. వినియోగదారులు "ప్రపంచ ల్యాండ్మార్క్లు, సహజ అద్భుతాలను అన్వేషించవచ్చు. వీధి వీక్షణతో మ్యూజియంలు, మైదానాలు, రెస్టారెంట్లు, చిన్న వ్యాపారాల వంటి ప్రదేశాలను చూడొచ్చు" అని కంపెనీ పేర్కొంది.
బ్రౌజర్లో Google మ్యాప్స్ని ఓపెన్ చేయాలి. కుడివైపు పై భాగంలో చతురస్రాకారంలో ఉండే సింబల్ కనిపిస్తుంది. దానిపై క్లిక్ చేస్తే టెరైన్, శాటిలైట్ వంటి ఆప్షన్స్ కనిపిస్తాయి. అందులో స్ట్రీట్ వ్యూ ఆప్షన్ను సెలెక్ట్ చేయాలి. అప్పుడు మీకు స్ట్రీట్ వ్యూ కనిపిస్తుంది. భద్రతా కారణాల దృష్ట్యా 2016లో భారతదేశంలో Google Mapsలో స్ట్రీట్ వ్యూ నిషేధించారు. ఈ ఫీచర్ని తిరిగి తీసుకురావడానికి కంపెనీ ప్రయత్నాలు చేసినప్పటికీ, ఈ ప్రతిపాదనను 2018లో ప్రభుత్వం తిరస్కరించింది.
అయితే కంపెనీ స్థానిక కంపెనీల భాగస్వామ్యాన్ని ప్రకటించిన తర్వాత Google Mapsలో స్ట్రీట్ వ్యూ తీసుకురావడానికి ప్రభుత్వం అనుమతి ఇచ్చింది. గత సంవత్సరం, జెనెసిస్ ఇంటర్నేషనల్, టెక్ మహీంద్రా సహకారంతో స్ట్రీట్ వ్యూను అందుబాటులోకి తెచ్చామని గూగుల్ పేర్కొంది. అదనంగా, వీధి వీక్షణ ఇప్పుడు పనోరమిక్ ఫోటోలో క్యాప్చర్ చేయబడిన వ్యక్తుల ముఖాలను అస్పష్టం చేస్తుంది. ఇది పబ్లిక్ స్థలాలను మాత్రమే హైలైట్ చేస్తుందని, ఎవరి గోప్యతకు భంగం కల్గించదని కంపెనీ తెలిపింది.
Click it and Unblock the Notifications
Sign in with Google