సాహిత్య అకాడమీ అవార్డు: స్వీకరించిన గోరటి వెంకన్న.. సీజేఐతో భేటీ

ప్ర‌ముఖ ర‌చ‌యిత‌, టీఆర్ఎస్ ఎమ్మెల్సీ గోర‌టి వెంక‌న్న కేంద్ర సాహిత్య అకాడమీ అవార్డును స్వీకరించారు. ఢిల్లీలో శుక్ర‌వారం జ‌రిగిన కార్య‌క్ర‌మంలో కేంద్ర సాహిత్య అకాడమీ చైర్మ‌న్ చంద్ర‌శేఖర్ చేతుల మీదుగా అవార్డును అందుకున్నారు. ప‌ల్లె ప‌దాల‌తో, ప‌ల్లె పాట‌ల‌తో త‌న‌దైన శైలిలో ర‌చ‌న‌ల‌తో గోర‌టి వెంక‌న్న‌ త‌న‌కంటూ ఓ ప్ర‌త్యేక గుర్తింపును సంపాదించుకున్నారు. ప్ర‌త్యేకించి పేద‌ల ఇళ్ల‌లోని అసౌక‌ర్యాలు, బ‌డుగుల‌పై భూస్వాముల దౌర్జ‌న్యాల‌ను క‌ళ్ల‌కు క‌ట్టిన‌ట్టు పాట‌లు ర‌చించ‌డ‌మే కాకుండా వాటిని త‌న గొంతుక‌తోనే పాడే వెంక‌న్న తెలంగాణ ఉద్య‌మంలో కీల‌క భూమిక పోషించారు.

Telangana peoples poet @GoratiVenkanna receives Sahitya Academy Award in New Delhi.
Congratulations Venkanna 🎉#sahityacademy pic.twitter.com/KGYPgESlwr

— Prof. Chakrapani Ghanta (@GhantaC) March 11, 2022

ఉమ్మ‌డి మ‌హ‌బూబ్ న‌గ‌ర్ జిల్లా, ప్ర‌స్తుతం నాగ‌ర్ క‌ర్నూల్ జిల్లా గౌరారంలో 1963లో జ‌న్మించారు. వ‌ల్లంకి తాళం పేరుతో చేసిన క‌వితా సంపుటికి కేంద్ర సాహిత్య అకాడమీ అవార్డుకు ఎంపికయ్యారు. 2020-21 ఏడాదికి గాను ప్ర‌క‌టించిన ఈ అవార్డును వెంక‌న్న శుక్ర‌వారం అందుకున్నారు. కేంద్ర సాహిత్య అకాడెమీ అవార్డు అందుకోవ‌డానికి శుక్ర‌వారం ఢిల్లీ వెళ్లిన గోర‌టి వెంక‌న్న సుప్రీంకోర్టు ప్ర‌ధాన న్యాయ‌మూర్తి జ‌స్టిస్ ఎన్వీ ర‌మ‌ణ‌తోనే భేటీ అయ్యారు. జ‌స్టిస్ ఎన్వీ ర‌మ‌ణ అధికారిక నివాసానికి వెళ్లిన వెంక‌న్న న్యాయ‌మూర్తిని మ‌ర్యాద‌పూర్వ‌కంగా క‌లిశారు.

గోరటి వెంకన్న రచించిన వల్లంకి తాళం కవిత సంపుటికి కేంద్ర సాహిత్య అకాడమీ పురస్కారం లభించింది. సాహిత్య అకాడమీ అవార్డు రావడం సంతోషంగా ఉందని అవార్డు అందుకున్న గోరటి వెంకన్న అన్నారు. గతంలో లోక్ నాయక్ ఫౌండేషన్ ద్వారా జస్టిస్ ఎన్వీ రమణ చేతులమీదుగా అవార్డు కూడా తీసుకున్నారు. ఇవాళసుప్రీం కోర్టు చీఫ్ జస్టిస్ హోదాలో ఉండి వారు నన్ను పిలిచి అభినందించటం మాటల్లో చెప్పలేనిది అని సంతోషం వ్యక్తం చేశారు.

English summary

poet gorati venkanna recieves sahitya acacemy award. he met supreme court chief justic nv ramana.