ట్రాఫిక్ లో చిక్కుకున్న వరుడు.. ట్విస్ట్ అదుర్స్ కదూ..

Published: Monday, February 10, 2025, 17:21 [IST]

పెళ్లంటే నూరేళ్ల పంట.. అందుకే ముహూర్తాలు అన్నీ సరిగ్గా చూసి నిమిషాలు,సెకన్లతో కలిపే పెళ్లి టైమ్ ఫిక్స్ చేస్తారు పురోహితులు. అదే వివాహానికి పెళ్లికొడుకే టైమ్ కు రాకపోతే.. ? అలాంటి సమస్యే ఓ వరుడికి ఎదురైంది. ఆ వరుడు కారులో పెళ్లి మండపానికి వెళ్తుండగా ఫుల్ ట్రాఫిక్ జామ్ అయింది. ఓ పక్క ముహూర్తం దగ్గరపడుతోంది. మరో పక్క ఎదురుగా వందల కార్లు ఉన్నాయి. ఇప్పుడు ఏం చేయాలి? అని ఆలోచించిన ఆ వరుడు.. ఇక లాభం లేదని కాళ్లకు పనిచెప్పాడు. కార్ల మధ్యలో పరిగెత్తుకుంటూ వరుడు కల్యాణ మండపానికి చేరుకుంటున్న వీడియో ప్రస్తుతం సోషల్ మీడియాలో వైరల్ అవుతోంది.

ఈ వీడియోను శౌర్యా దవార్ అనే వ్యక్తి ఇన్ స్టా వేదికగా పోస్ట్ చేశారు. ఇప్పటికే ఈ వీడియోను 25 లక్షల మందికి పైగా వీక్షించారు. ఈ వీడియో చూసిన నెటిజన్లు రకరకాలుగా కామెంట్స్ చేస్తున్నారు. "బ్రో స్టే సింగిల్.. స్టే సేఫ్" అని ఓ వ్యక్తి కామెంట్ చేశాడు. ప్రేమికులకు అతిపెద్ద శత్రువు ట్రాఫిక్ అని మరొక వ్యక్తి కామెంట్స్ చేశాడు. మరికొంతమంది ఈ వీడియోను తమ ఫ్రెండ్స్, ఫ్యామిలీస్ కు షేర్ చేస్తున్నారు. ఇకెందుకు ఆలస్యం మీరు కూడా ఈ వీడియో చూసేయండి.