సినిమాను తలపించిన కాల్పుల ఘటన
గుర్గావ్: హర్యానాలోని గుర్గావ్లోని ఓ షాపింగ్మాల్ ఎదుట బుధవారం ఉదయం రెండు ముఠాల మధ్య జరిగిన కాల్పుల ఘటనలో ఓ అమాయక ఆటో డ్రైవర్ బలయ్యాడు. హత్య కేసులో అరెస్టయి జైలు నుంచి విడులైన వ్యక్తిని చంపేందుకు ఓ ముఠా ప్రయత్నించింది. కారులో వెళుతున్న అతడ్ని లక్ష్యంగా చేసుకుని కాల్పులు జరిపింది.
విచక్షణా రహితంగా జరిపిన కాల్పుల్లో ఆ కారులో ఉన్న వ్యక్తికి తీవ్ర గాయాలయ్యాయి. దీంతో కారు అదుపుతప్పి రోడ్డుపై వెళుతున్న పలు వాహనాలను ఢీకొట్టింది. ఆ తర్వాత ఆగకుండా డివైడర్పై నుంచి వెళ్లి మరో ఆటోపై పడింది. దీంతో ఆటోలో వున్న డ్రైవర్ అక్కడికక్కడే మృతి చెందాడు. రెండు గ్యాంగ్ల మధ్య జరిగిన ఘర్ణకు ఓ అమాయకుడు బలికాల్సి వచ్చింది.
మరో ముగ్గురికి కూడా ఈ ఘటనలో తీవ్ర గాయాలయ్యాయి. ఇదంతా చూస్తున్న స్థానికులు సినిమా షూటింగా లేక, నిజంగానే జరుగుతుందా? అని నమ్మలేని పరిస్థితిలో ఉండిపోయారు. ఘటనపై సమాచారం అందుకున్న పోలీసులు, హుటాహుటిన ఘటనా స్థలానికి చేరుకున్నారు.
కాల్పులకు పాల్పడిన నలుగురు నిందితులు అప్పటికే కారులో పరారయ్యారు. కాగా, గాయపడిన వారిని పోలీసులు ఆస్పత్రికి తరలించారు. కేసు నమోదు చేసుకుని దర్యాప్తు చేస్తున్నారు.