ప్రేమ పెళ్లి పేరుతో రేప్, వేరే యువతితో నిశ్చితార్థం, పెళ్లి ఫిక్స్: చివరికి పెళ్లి కొడుకు ఎక్కడంటే

బెంగళూరు: పెళ్లి ఫిక్స్ అయ్యింది. యువతితో యువకుడి నిశ్చితార్థం జరిగిపోయింది. యువతి, యువకుడు కొత్త జీవితం గడపాలని కలలు కంటున్నారు అయితే సినిమా ఫక్కీలో వరుడిని అరెస్టు చేసి జైలుకు పంపించిన ఘటన బెంగళూరు గ్రామీణ జిల్లాలో జరిగింది.

మహిళను ప్రేమించి పెళ్లి చేసుకుంటానని గర్బవతిని చేసి మోసం చేసిన గౌతమ్ (31) అనే యువకుడిని అరెస్టు చేశామని పోలీసులు తెలిపారు. యువకుడి మీద అత్యాచారం చేసి మోసం చేశాడని పోలీసులు కేసు నమోదు చేశారు. బెంగళూరు గ్రామీణ జిల్లాలోని దోడ్డబళ్లాపురలోని కోర్టు వీదిలో గౌతమ్ నివాసం ఉంటున్నాడు.

దోడ్డబళ్లాపురలో అకౌంటెంట్ విద్యార్థి అయిన యువతి 2018లో బుల్లెట్ జిమ్ లో చేరింది. అదే జిమ్ లో గౌతమ్ కోచ్ గా పని చేస్తున్నాడు. జిమ్ కు వెలుతున్న యువతితో గౌతమ్ పరిచయం చేసుకున్నాడు. యువతికి గత సంవత్సరం వివాహం అయ్యింది.

సంవత్సరం నుంచి యువతి భర్తకు దూరంగా ఉంటున్నదని గౌతమ్ తెలుసుకున్నాడు. యువతితో పరిచయం పెంచుకున్న గౌతమ్ ఆమె ఫోన్ నెంబర్ తీసుకున్నాడు. యువతికి దగ్గర అయిన గౌతమ్ ఆమెను పెళ్లి చేసుకుంటానని నమ్మించాడు.

పెళ్లి చేసుకుంటానని యువతిని నమ్మించిన గౌతమ్ జిమ్ లోనే ఆమె మీద అత్యాచారం చేశాడని సమాచారం. యువతి గర్బవతి కావడంతో గౌతమ్ ఆమెకు దూరం అవ్వడానికి ప్రయత్నించాడు. గౌతమ్ దూరం అవుతున్నాడని గుర్తించిన యువతి అతని తండ్రితో మాట్లాడింది.

పెళ్లి చెయ్యడానికి గౌతమ్ తండ్రి నిరాకరించాడు. గౌతమ్ తండ్రి భాదితురాలిని తెలిసిన వారి ఇంటిలో పెట్లాడు. అక్కడికి వెళ్లిన గౌతమ్ ఆమె మీద అత్యాచారం చేశాడు. మే 8వ తేదీన గౌతమ్ కు వేరే యువతితో నిశ్చితార్థం జరిగింది. పెళ్లికి డేట్ ఫిక్స్ చేశారు. విషయం తెలుసుకున్న భాదితురాలు పోలీసులకు ఫిర్యాదు చేశారు. నిశ్చితార్ధం చేసుకుని వేరే యువతితో పెళ్లి చేసుకోవడానికి సిద్దం అయిన గౌతమ్ ను పోలీసులు అరెస్టు చేసి విచారణ చేస్తున్నారు.

English summary

The wedding was set and invitations were out. As the day came, just as the couple were readying to tie the knot, police arrived and arrested the groom.