కన్నతండ్రి కామపిశాచిలా -పెద్ద కూతురిపై 7ఏళ్లుగా రేప్ -గర్భం తీయిస్తూ కిరాతకం -11ఏళ్ల చిన్న కూతురిపైనా

కూతుళ్లను కంటికి రెప్పలా కాపాడాల్సిన కన్నతండ్రే కామపిశాచిలా మారిపోయాడు.. మద్యం మత్తులో జరిగిన ఘోరం కాదిది.. గడిచిన ఏడేళ్లుగా ఆ తండ్రి తన పెద్ద కూతురిపై అకృత్యానికి తెగబడుతునే ఉన్నాడు.. తండ్రి చేసిన ఘోరానికి ఆ 17ఏళ్ల బాలిక ఎన్నో సార్లు గర్భం దాల్చింది.. కానీ తన కామపు కోర్కెలకు అడ్డు వస్తుందని ఎన్నో సార్లు గర్భస్రావం చేయాంచాడా మృగంలాంటి తండ్రి.. ఏడేళ్లుగా అత్యంత దారుణ హింసలను భయంతో భరించిన పెద్ద కూతురు.. ఇప్పుడు తండ్రి కన్ను తన చెల్లెలిపై పడటంతో సహించలేక పోయింది.. ధైర్యం చేసి ఎట్టకేలకు పోలీసులకు ఫిర్యాదు చేయడంతో ఈ దారుణ ఉదంతం వెలుగులోకి వచ్చింది..

అవును, హర్యానాలోనే..

ఉత్తరాదిలో విస్తారమైన పంటలకు, సంపదకు నెలవైన హర్యానాలో బాలికలపై సొంత కుటుంబీకులే అకృత్యాలకు పాల్పడుతోన్న ఘటనలు కూడా ఎక్కువే. కొద్ది నెలల కిందట.. ఇక్కడి పంచకుల జిల్లా కేంద్రంలో ఓ తండ్రి.. మైనరైన తన కూతురికి మాయమాటలు చెప్పి, బెదిరించి, ఆమెపై పలుమార్లు లైంగికదాడికి పాల్పడ్డాడు. కూతురు అనారోగ్యానికి గురికావడంతో తల్లి ఆమెను ఆస్పత్రికి తీసుకెళ్లగా, బాలిక 9 నెలల గర్భంతో ఉన్నట్లు నిర్ధారించిన డాక్టర్లు.. ఆపరేషన్ చేసి ఆమె కడుపులో నుంచి మృతశిశువును బయటకు తీశారు. ఈ ఘోరాన్ని మర్చిపోకముందే.. హర్యానాలోనే హిసార్ పట్టణంలో మరో దారుణకాండ వెలుగులోకి వచ్చింది. హిసార్ మహిళా పోలీస్ స్టేషన్ అధికారులు చెప్పిన వివరాల ప్రకారం..

కూతురికి 10ఏళ్ల వయసు నుంచే..

హర్యానాలోని హిసార్ లో ఓ ప్రభుత్వ ఉన్నతోద్యోగి వద్ద వంటమనిషిగా పనిచేస్తోన్న వ్యక్తికి ఇద్దరు కూతుళ్లున్నారు. అందరిముందూ మంచివాడిలా నటించే ఆ వ్యక్తి.. సొంతింట్లో అతి కిరాతకంగా వ్యవహరించేవాడు. పెద్ద కూతురికి పదేళ్ల వయసు నుంచే ఆమెపై లైంగికదాడి మొదలుపెట్టాడు. ఈ విషయం ఎవరికైనా చెబితే చంపేస్తానంటూ బాలికను బెదిరించాడు. ఒకటీ రెండూ కాదు.. ఏకంగా ఏడేళ్ల పాటు ఆ బిడ్డకు ప్రత్యక్ష నరకం చూపించాడు. ప్రస్తుతం 17ఏళ్ల వయసున్న ఆ బాలికకు ఇప్పటికే పదుల సార్లు అబార్షన్లు చేయించాడా ఉన్మాద తండ్రి. కాగా,

చెల్లెలిపైనా తండ్రి కన్ను పడటంతో..

పెద్ద కూతురిని ఏడేళ్లుగా అనుభవిస్తోన్న కీచక తండ్రి కన్ను కొంతకాలంగా 11ఏళ్ల చిన్న కూతురిపై పడింది. పెద్ద కూతురు చూస్తుండగానే.. చిన్నకూతురిని చెరపట్టేందుకు యత్నించాడా తండ్రి. ఇన్నాళ్లూ భయంతో మౌనంగా తండ్రి హింసను భరిస్తూ వచ్చిన పెద్ద కూతురు.. తన చెల్లెల్లికి జరుగుతోన్న ఘోరాన్ని తట్టుకోలేకపోయింది. తండ్రి ఇంట్లో లేని సమయంలో నేరుగా హిసార్ మహిళా పోలీస్ స్టేషన్ కు వెళ్లి ఫిర్యాదు చేసింది. తన జీవితం ఎలాగో ఆగమైపోయింది.. కనీసం చెల్లెలినైనా కాపాడండంటూ పోలీసులను ప్రాధేయపడిందా బాలిక. దీంతో..

కటకటాల్లోకి కీచక తండ్రి..

బాలిక ఫిర్యాదుపై వేగంగా స్పందించిన మహిళా పోలీసులు.. ఆ ఇంటిని రౌండప్ చేసి, కీచక తండ్రి రాగానే పట్టుకుని అరెస్టు చేశారు. ఇద్దరు మైనర్ కూతుళ్ల కథనాలు విని చలించిపోయిన పోలీసులు.. ఆ నీచుడిపై ఐపీసీ సెక్షన్ 376 (2), 376(2)ఎఫ్, 506, 323, 354ఎ(1)తోపాటు పోక్సో చట్టం కింద కేసు నమోదు చేసి కటకటాల్లోకి నెట్టేశారు. బాధిత బాలికలను వైద్యపరీక్షల కోసం ఆసుపత్రికి తరలించారు. బాధితురాళ్ల తల్లి వివరాలు తెలియరాలేదు.

English summary

Aman from Haryana's Hisar has been arrested for repeatedly raping his 17-year-old daughter over seven years and impregnating her multiple times and forcing her to undergo abortions. The man has also been accused of molesting his younger daughter, aged 11. According to a report in the Times of India, the victim told police that her father, employed as a cook with a government official, had been sexually abusing her for the past seven years.