యువతులు మొబైల్స్, జీన్స్ ధరించొద్దు: ఇసీపూర్ గ్రామపంచాయితీ తీర్మానం

చంఢీఘడ్: యువతులు జీన్స్ ధరించరాదని, మొబైల్‌ఫోన్లు వాడరాదని హర్యానా రాష్ట్రంలోని ఓ గ్రామపంచాయితీ తీర్మానం చేసింది.ఈ తీర్మానంపై యువతులు తీవ్రంగా మండిపడుతున్నారు. ఈ నిర్ణయాన్ని ఉపసంహారించుకోవాలని డిమాండ్ చేస్తున్నారు.

మహిళలు అన్ని రంగాల్లో దూసుకువెళ్తున్నారు. కానీ, కొన్ని గ్రామాల్లో తీసుకొంటున్న నిర్ణయాలు ఇంకా మహిళల పట్ల తమకున్న వివక్షను ప్రతిబింభిస్తున్నాయి. ఈ తరహ ఘటనలపై పెద్ద ఎత్తున నిరసనలు వ్యక్తమౌతున్నాయి.

హర్యానా రాష్ట్రంలోని సోనిపట్ సమీపంలోని ఇసీపూర్ ఖేదీ గ్రామపంచాయితీలో యువతులు జీన్స్ ధరించరాదని, మొబైల్‌ఫోన్స్ కూడ వాడకూదని నిర్ణయం తీసుకొన్నారు. గ్రామ పంచాయితీ పెద్దలు చేసిన ఈ తీర్మానంపై స్థానికంగా ఉన్న యువతులు మండిపడుతున్నారు.

తాము ఏ రకమైన దుస్తులు ధరించాలనేది సమస్య కాదన్నారు. పురుషుల మనస్తత్వంతోనే ఇబ్బందులు ఎదురౌతున్నాయని యువతులు అభిప్రాయపడుతున్నారు. దుస్తులను బట్టి మహిళల వ్యక్తిత్వాన్ని ఎలా అంచనావేస్తారని వారు ప్రశ్నిస్తున్నారు. ఈ నిర్ణయాన్ని వెంటనే ఉపసంహరించుకోవాలని కోరుతున్నారు.

గతంలో రాజస్థాన్‌లో కూడ ఇదే తరహాలో గ్రామపంచాయితీ పెద్దలు నిర్ణయం తీసుకొన్నారు. గత ఏడాది జూలై 27న ధోల్‌పూర్ జిల్లాలోని ఓ పంచాయితీలో యువతులు జీన్స్ వేసుకోరాదని, మొబైల్ ఫోన్స్ వాడరాదని ఆదేశాలు జారీ చేశారు. ఈ విషయమై అప్పట్లో రాజస్థాన్ మహిళా కమిషన్ విచారణకు ఆదేశించింది.

English summary

In yet another instance of a bizarre directive, a panchayat in a village in Haryana has banned girls from wearing jeans and using mobile phones. The directive has been given by the panchayat in Isipur Khedi village in Sonipat in Haryana.