HDFC Bank: హెచ్‍డీఎఫ్‍సీ బ్యాంక్ వినియోగదారులకు అలర్ట్.. ఆ రోజు సేవలు బంద్..!

హెచ్‍డీఎఫ్‍సీ బ్యాంక్ వినియోగదారులను జులై 13న పలు సమస్యలు ఎదుర్కొనే అవకాశం ఉంది. ఆ రోజు హెచ్‍డీఎఫ్‍సీ బ్యాంకింగ్ సేవలకు 12 గంటలు బ్రేక్ పడే అవకాశం ఉంది. సిస్టం అప్‌గ్రేడ్ చేస్తోన్న జులై 3 హెచ్‍డీఎఫ్‍సీ బ్యాంక్ కు సంబంధించి పలు సేవలు నిలిచిపోనున్నాయి. ఉదయం 3:00 గంటల నుంచి సాయంత్రం 4:30 హెచ్‍డీఎఫ్‍సీ బ్యాంక్ సేవల్లో అంతరాయం ఏర్పడనుంది. ఆ సమయంలో డెబిట్ కార్డులు, క్రెడిట్ కార్డుల లావాదేవీలు పనిచేస్తాయని.. కానీ UPI సేవలు పనిచేయవని బ్యాంక్ వినియోగదారులకు మెయిల్ చేసింది.

హెచ్‍డీఎఫ్‍సీ బ్యాంక్ మెయిల్ ప్రకారం "అసౌకర్యాన్ని తగ్గించడానికి మేము ఈ అప్‌గ్రేడ్‌ని రెండవ శనివారం, బ్యాంక్ సెలవుదినం రోజున షెడ్యూల్ చేసాము. అయినప్పటికీ, మీ బ్యాంకింగ్ కార్యకలాపాలను ముందుగానే ప్లాన్ చేసుకోవాలని మేము మీకు సలహా ఇస్తున్నాము. మీకు మెరుగైన సేవలందించేందుకు మా వ్యవస్థలను మేము మెరుగుపరుస్తున్నందున మీ సహకారాన్ని అభినందిస్తున్నాము" అని పేర్కంది.

"జులై 13న మీరు మీ HDFC బ్యాంక్ డెబిట్ కార్డ్ (నియంత్రిత పరిమితి వరకు*) లేదా క్రెడిట్ కార్డ్‌ని ఉపయోగించి ఏదైనా ATM నుంచి నగదు విత్‌డ్రా చేయడం కొనసాగించవచ్చు. స్టోర్‌లలో మీరు స్వైప్ మెషీన్‌లలో మీ HDFC బ్యాంక్ డెబిట్ కార్డ్ (పరిమితం చేయబడిన పరిమితి* వరకు) లేదా క్రెడిట్ కార్డ్‌ని ఉపయోగించడం కొనసాగించవచ్చు. మీరు మీ HDFC బ్యాంక్ డెబిట్ కార్డ్ (నియంత్రిత పరిమితి వరకు*) & క్రెడిట్ కార్డ్‌తో సహా, PayZapp ద్వారా ఆన్‌లైన్ కొనుగోళ్లు చేయవచ్చు" అని హెచ్‍డీఎఫ్‍సీ బ్యాంక్ వివరించింది.

"హెచ్‍డీఎఫ్‍సీ బ్యాంక్ ఖాతాదారులకు ఈ క్రింది UPI సేవలు ఉదయం 3:00 నుంచి 3:45 AM వరకు, 9:30 AM నుంచి 12:45 PM వరకు అందుబాటులో ఉండవు
దయచేసి 12 జూలై 2024 శుక్రవారం రాత్రి 7:30 గంటలలోపు తగినంత నిధులను ముందుగానే ఉపసంహరించుకోండి. ఏదైనా అసౌకర్యాన్ని నివారించడానికి మీ అన్ని ఫండ్ బదిలీలను ముందుగానే ప్లాన్ చేసుకోండి" హెచ్‍డీఎఫ్‍సీ బ్యాంక్ తెలిపింది

English summary

HDFC Bank services are likely to be disrupted for 12 hours on July 13