Michaung: తమిళనాడును వణికిస్తోన్న మిగ్‍జాం తుఫాన్..

తమిళనాడను మిగ్‍జాం తుఫాన్ వణికిస్తోంది. భారీ వర్షాలతో తమిళనాట బీభత్సం కొనసాగుతోంది. భారీ వర్షాలతో చెరువులు, కుంటలు, నదులు ఉధృతంగా ప్రవహిస్తోన్నాయి. అతి భారీ వానలతో తమిళనాడు జనజీవనం స్తంభించిపోయింది. ముఖ్యంగా చెన్నైలో భారీ వర్షంతో ప్రజలు తీవ్ర ఇబ్బందులు ఎదుర్కొంటున్నారు. చాలా చోట్ల మోకాలి లోతు నీరు నిలిచిపోయింది. చెన్నై ఎయిర్ పోర్టులోకి భారీగా వరద నీరు వచ్చింది.

వరదలో కార్లు కొట్టుకుపోతున్న వీడియోలు సోషల్ మీడియాలో వైరల్ అయ్యాయి. భారీ వర్షాల కారణంగా చెన్నై ఎయిర్ పోర్ట్ ఇప్పటి వరకు 16 విమాన సర్వీసులు రద్దు చేసింది. కొన్ని విమానాలను దారి మళ్లీంచారు. సోమవారం అర్ధరాత్రి వరకు ఎయిర్ పోర్టుకు రాకపోకలు నిలివేశారు. ఓ చోట గోడ కూలి ఇద్దరు మృతి చెందారు. తమిళనాడు ప్రభుత్వం సహాయక చర్యలు ముమ్మరం చేసింది.

చెన్నైలోని వివిధ ప్రాంతాల్లో నిరంతర భారీ వర్షాలు, బలమైన గాలులు వీస్తున్నాయి. గణనీయమైన వర్షపాతం నిర్దిష్ట ప్రాంతాలలో గణనీయమైన నీటి ఎద్దడికి దారితీసింది. భారీ వర్షాలు, నీటి ఎద్దడి కారణంగా, అన్ని చెన్నై సబర్బన్ సెక్షన్లలో సబర్బన్ రైళ్ల రాకపోకలు సోమవారం ఉదయం 8 గంటల వరకు తాత్కాలికంగా నిలిచిపోయాయి.

మదురవాయల్, పోరూర్, శాలిగరామం, వలసరవాక్కం సహా నగరంలోని పలు ప్రాంతాలు నీటి ఎద్దడిని ఎదుర్కొంటున్నాయి. ఈదురు గాలులకు పలు ప్రాంతాల్లో చెట్లు నేలకొరిగాయి. భారీ వర్షాల కారణంగా వ్యాసర్‌పాడి, బేసిన్ బ్రిడ్జి మధ్య బ్రిడ్జ్ నంబర్ 14 వద్ద నీటి మట్టం ప్రమాదకర స్థాయికి చేరుకోవడంతో చెన్నై సెంట్రల్ నుంచి బయలుదేరే పదకొండు ఎక్స్‌ప్రెస్ రైళ్లను సోమవారం రద్దు చేశారు. మరోవైపు మంగళవారం మధ్యాహ్నం దక్షిణ ఆంధ్రప్రదేశ్‌లో 'మిచాంగ్' తుఫాను తీరం దాటే అంచనా వేస్తున్నారు.

English summary

Migzam storm is shaking Tamil Nadu. Tamil Nadu continues to suffer due to heavy rains. Ponds, ponds and rivers are flowing with heavy rains.