Choose Language
వార్తలు
జ్యోతిషం

24 గంట‌ల్లో దేశ‌వ్యాప్తంగా భారీ వ‌ర్షాలు: తెలుగు రాష్ట్రాలు మిన‌హా: ఐఎండీ

By
Time

Recommended Video

    రానున్న 24 గంట‌ల్లో ప‌లు రాష్ట్రాల్లో భారీ వ‌ర్షాల || IMD Warns Of Heavy Rainfall In Several States

    న్యూఢిల్లీ: ఇప్ప‌టికే ఉత్త‌రాది, ఈశాన్య రాష్ట్రాల‌ను ముంచెత్తుతున్న భారీ వ‌ర్షాలు మ‌రిన్ని రోజులు కొన‌సాగే అవ‌కాశం ఉన్న‌ట్లు భార‌త వాతావ‌ర‌ణ శాఖ వెల్ల‌డించింది. ఇదే విష‌యాన్ని జాతీయ విప‌త్తుల నిర్వ‌హ‌ణ విభాగం (ఎన్డీఎంఏ) ధృవీక‌రించింది. వ‌చ్చే 24 గంట‌ల్లో ప‌లు రాష్ట్రాల్లో భారీ వ‌ర్షాలు ప‌డే సూచ‌న‌లు ఉన్న‌ట్లు తెలియ‌జేసింది.

    ఈ విష‌యాన్ని ఎన్డీఎంఏ బుధ‌వారం మ‌ధ్యాహ్నం ట్విట్ట‌ర్ ద్వారా జారీ చేసింది.కొంక‌ణ్‌, గోవా, హిమాల‌యా ఉప ప్రాంతాలు, ప‌శ్చిమ బెంగాల్‌, సిక్కిం,బిహార్‌, క‌ర్ణాట‌క తీర ప్రాంతాల్లో భారీ నుంచి అతి భారీ వ‌ర్షాలు కురిసే అవ‌కాశాలు ఉన్నాయ‌ని పేర్కొంది. ఉత్త‌ర ప్ర‌దేశ్‌, అసోం, మేఘాల‌యా వంటి ఈశాన్యా రాష్ట్రాల్లో కుండ‌పోతగా వ‌ర్షాలు ప‌డొచ్చ‌ని ఐఎండీ అంచ‌నా వేసింది.

    Heavy to very heavy rainfall with extremely heavy falls very likely at isolated places over Konkan and Goa

    రాజ‌స్థాన్ తూర్పు ప్రాంతం, కేర‌ళ‌, మ‌హె, క‌ర్ణాట‌క ద‌క్షిణ ప్రాంతాలు, మ‌ధ్య‌ప్ర‌దేశ్‌, మ‌హా రాష్ట్ర‌, ఉత్త‌రాఖండ్‌, పంజాబ్‌, హ‌ర్యానా, చండీగ‌ఢ్‌, ఢిల్లీ, ప‌శ్చిమ బెంగాల్‌లో గంగాన‌దీ తీర ప్రాంతాలు, ఒడిశా, జార్ఖండ్‌, నాగాలాండ్‌, మణిపూర్‌, మిజోరం, త్రిపుర‌ల్లో మ‌రింత వ‌ర్ష‌పాతం న‌మోద‌వుతుంద‌ని పేర్కొంది. బిహార్‌, జార్ఖండ్‌, మ‌ధ్య‌ప్ర‌దేశ్‌, ఛ‌త్తీస్‌గ‌ఢ్‌, ఒడిశా, ప‌శ్చిమ బెంగాల్‌, సిక్కింల‌ల్లో ఉరుములు, మెరుపుల‌తో కూడిన వ‌ర్ష‌పాతం న‌మోద‌య్యే అవ‌కాశం ఉన్న‌ట్లు వెల్ల‌డించింది భార‌త వాతావ‌ర‌ణ శాఖ‌.

    అరేబియా స‌ముద్రం అల్ల‌క‌ల్లోలంగా ఉండొచ్చ‌ని, గంట‌కు 40 నుంచి 50 కిలోమీట‌ర్ల వేగంతో ఈదురుగాలులు వీస్తాయ‌ని అంచ‌నా వేశారు ఆ శాఖ అధికారులు. అరేబియా స‌ముద్రంలో చేప‌ల వేట‌కు వెళ్లే మ‌త్స్య‌కారులు అప్ర‌మ‌త్తంగా ఉండాల‌ని హెచ్చ‌రిక‌ల‌ను జారీ చేసింది. ఈ మేర‌కు ఆ శాఖ అధికారులు వ‌రుసగా ట్వీట్ల‌ను సంధించారు. ఈ జాబితాలో రెండు తెలుగు రాష్ట్రాల పేర్లు ఎక్క‌డా లేవు. ఆంధ్ర‌ప్ర‌దేశ్‌, తెలంగాణ స‌హా త‌మిళ‌నాడుల్లో ఇప్ప‌ట్లో వ‌ర్షాలు ప‌డే అవ‌కాశాలు లేవ‌ని వాతావ‌ర‌ణ శాఖ చెప్ప‌క‌నే చెప్పిన‌ట్ట‌యింది.

    Published On July 24, 2019
    Read more about:

    weather thunderstorm

    Notifications
    Settings
    Clear Notifications
    Notifications
    Use the toggle to switch on notifications
    • Block for 8 hours
    • Block for 12 hours
    • Block for 24 hours
    • Don't block
    Gender
    Select your Gender
    • Male
    • Female
    • Others
    Age
    Select your Age Range
    • Under 18
    • 18 to 25
    • 26 to 35
    • 36 to 45
    • 45 to 55
    • 55+
    Sign Out