హేమమాలిని 'ఎంగేజ్‌మెంట్' ట్వీట్: దీపికా పదుకొణేదిగా భావించి..

By Srinivas

Published: Thursday, April 28, 2016, 19:06 [IST]

ముంబై: బాలీవుడ్ నటి హేమమాలిని చేసిన ఓ ట్వీట్ చర్చనీయమైంది. ఆమె ఓ అభిమానికి ఎంగేజ్‌మెంట్ సందర్భంగా శుభాకాంక్షలు తెలిపారు. అయితే, ఆమె శుభాకాంక్షలు తెలిపింది ఓ హీరోయిన్‌కు కావొచ్చుననికొని ట్వీట్లు వెల్లువెత్తాయి. దీంతో హేమమాలిని వివరణ ఇచ్చారు.

'దీపికా, మీ ఎంగేజ్‌మెంట్ సందర్భంగా శుభాకాంక్షలు! మీరిద్దరూ సంతోషంగా, ఆనందంగా జీవించడంతో పాటు ఉజ్వలమైన భవిష్యత్తు ఉండాలని కోరుకుంటున్నాను' అని హేమమాలిని తన ట్విట్టర్ ఖాతాలో ఓ ట్వీట్ చేశారు. ఈ ట్వీట్ వైరల్ అయింది.

బాలీవుడ్ హీరోయిన్ దీపికా పడుకొణే, రణవీర్ సింగ్‌ల అభిమానులు పుంఖాను పుంఖాలుగా వాళ్లిద్దరికి ట్వీట్లు పంపారు. వాళ్లిద్దరి ఎంగేజ్‌మెంట్ జరుగుతోందననుకుని శుభాకాంక్షలు తెలిపారు.

అసలు విషయం తెలుసుకున్న హేమమాలిని కంగారుపడి మరో ట్వీట్ చేశారు. 'లేదు! ఈ దీపిక నన్ను ట్విట్టర్‌లో ఫాలో అయ్యే అమ్మాయి! దీపికా పడుకొణే కాదు' అని మరో ట్వీట్‌లో తెలిపారు.

Published On April 28, 2016