మోడీ ప్రధాని అవుతారని : అప్పట్లోనే బిల్ గేట్స్ కంప్యూటర్ కనుగొన్నారేమో..!

ప్రధాని నరేంద్ర మోడీ డిగ్రీలపై రగడా ఇంకా కొనసాగుతోంది. ముందునుంచి మోడీ విద్యార్హతలపై ఆరోపణలు గుప్పిస్తున్న ఆమ్ ఆద్మీ పార్టీ.. తాజాగా అమిత్ షా బయటపపెట్టిన మోడీ డిగ్రీలను నకిలీవని ఆరోపిస్తున్న విషయం తెలిసిందే. దీన్ని ఆధారాలతో సహా చూపించే ప్రయత్నంలో మోడీకి కొన్ని ప్రశ్నలు సంధిస్తున్నారు ఆప్ నేతలు.

తాజాగా ఇదే విషయంపై మాట్లాడిన ఆప్ నేత అశుతోష్.. అసలు మోడీ ఢిల్లీ యూనివర్సిటీలో చదువుకున్న 1978 కాలంలో కంప్యూటర్లు ఉన్నాయా అని ప్రశ్నిస్తున్నారు. అంతేకాదు, ఢిల్లీ యూనివర్సిటి ఇచ్చిన మోడీ డిగ్రీ పట్టాలోను పలు తప్పిదాలున్నాయని అంటున్నారు. మోడీ మార్కుల షీట్ లో తేడాలున్నాయని చెప్పిన అశుతోష్, 1978లో ఢిల్లీ యూనివర్సిటీ నుంచి పట్టా అందుకున్నవారి పేర్లు, మార్క్ షీట్లు చేతి రాతతో ఉండగా, మోడీకి ప్రధానం చేసిన డిగ్రీ పట్టాలో మాత్రం వర్సిటీ లోగో ఆధునిక ఫాంట్ లో ఎలా ఉంటుందన్నారు.

ఒరిజినల్ డిగ్రీ పాత ఫాంట్ లో ఉంటే, మోడీ డిగ్రీ ఆధునిక ఫాంట్ లో ఉండడాన్ని బట్టి ఆయనది నకిలీ డిగ్రీనేనని స్పష్టం చేశారు. మోడీ డిగ్రీలపై మొత్తం 8 ప్రశ్నలు సంధించిన ఆప్ నేతలు, మోడీ డిగ్రీలో కంప్యూటర్ మార్క్ షీట్ వచ్చి చేరడాన్ని పాయింట్ అవుట్ చేశారు. 2014 లో మోడీ భారత్ కు ప్రధాని అవుతాడని గుర్తించిన బిల్ గేట్స్ 1978 లోనే కంప్యూటర్ తయారుచేశారేమోనని ఎద్దేవా చేశారు.

టైమ్స్ నౌ ఛానెల్ లోను మోడీ డిగ్రీలపై జరిగిన చర్చ సందర్భంగా.. ఢిల్లీ యూనివర్సిటీ రిజిస్ట్రార్ మోడీ డిగ్రీకి సంబంధించి తప్పుడు నమోదిత నంబరును ప్రస్తావించడంపై అనుమానాలు లేవనెత్తారు. మోడీ డిగ్రీపై cc5544/74 నమోదిత నంబరు ఉండగా.. రిజిస్ట్రార్ మాత్రం cc1594 నంబర్ మోడీ డిగ్రీపై నమోదైనట్టుగా తప్పుడు సమాచారాన్ని చదివారు.

అది రిజిస్ట్రార్ తప్పు కాదని, మోడీని వ్యతిరేకించే ధైర్యం లేకపోతే.. రిజిస్ట్రార్ తన బాధ్యతను తాను నిర్వర్తిస్తే సరిపోతుందని తెలియజేశారు ఆప్ నేతలు.

English summary

“The registrar read out a statement without being conversant of the facts” said the AAP leader, pointing out that the video shown on Times Now channel showed the Registrar reading out the “wrong” enrolment number. “He said the number is CC 1594 but the degree has the number CC 5544/74. The registrar’s statement has nothing to do with what is there in the degree,” said Singh.