రాజీవ్ గాంధీ కూతురిని: మోడీకి ప్రియాంక గాంధీ రిప్లై
న్యూఢిల్లీ: తాను రాజీవ్ గాంధీ కూతురునంటూ ప్రియాంక గాంధీ బిజెపి ప్రధాని అభ్యర్థి నరేంద్ర మోడీకి సమాధానం ఇచ్చారు. ప్రియాంక గాంధీ తన కూతురులాంటిదని మోడీ చేసిన వ్యాఖ్యకు ఆమె ఆ విధంగా సమాధానమిచ్చారు. ఏమీ మాట్లాడకుండా కేవలం తాను రాజీవ్ గాంధీ కూతురిని అని ప్రియాంకా గాంధీ అన్నారు.
కాంగ్రెసు అధ్యక్షురాలు సోనియా గాంధీ కూతురు మోడీని తండ్రి సమానురాలిగా భావిస్తున్నారా అనే సందేహం కలుగుతోందనే ఆర్థిక మంత్రి పి. చిదంబరం చేసిన వ్యాఖ్యానించిన నేపథ్యంలో ప్రియాంక గాంధీ ఆ విధంగా అన్నారు.
ప్రియాంకా గాంధీని మోడీ తన కూతురిగా భావించడం తనకు సంతోషంగానే ఉందని, అయితే ప్రియాంక మోడీని పితృ సమానుడిగా చూస్తుందా అనే అనుమానం కలుగుతోందని ఆయన అన్నారు. మోడీ మాటలను దూరదర్శన్ ఎడిట్ చేసిందని ఓ ఆంగ్ల పత్రిక రాయడంతో వివాదం ప్రారంభమైంది.
మోడీ ఇంటర్వ్యూ ఏప్రిల్ 27వ తేదీన ప్రసారమైంది. మోడీ ఇంటర్వ్యూ ఏప్రిల్ 26వ తేదీన జరిగింది. ఖాస్ ములాఖత్ పేర అది ఏ విధమైన హడావిడి, ముందస్తు ప్రచారం లేకుండా 27వ తేదీన ప్రసారమైంది.