దావూద్ ఇబ్రహీం డీ కంపెనీలో విభేదాలు, ఛోటా షకీల్ క్లారిటీ, పాక్ ఇంటెలిజెన్స్ !

Published: Thursday, December 14, 2017, 11:32 [IST]

న్యూఢిల్లీ/కరాచి: మాఫియా డాన్ దావూద్ ఇబ్రహీం డీ కంపెనీలో విభేధాలు వచ్చాయన్న వార్తలపై అతని కుడి భుజం ఛోటా షకీల్‌ తాజాగా స్పందించాడు. దావూద్‌ ఇబ్రహీంతో తనకు ఎటువంటి విభేధాలు లేవని, ఆఖరి శ్వాస వరకూ దావూద్ భాయ్ తోనే ఉంటానని ఛోటా షకీల్‌ స్పష్టం చేశాడు.

డీ కంపెనీ కోసం !

అండర్ వరల్డ్ కింగ్ దావూద్ ఇబ్రహీం భాయ్ డీ కంపెనీ కోసమే చివరికి తాను పని చేస్తానని ఛోటా షకీల్‌ స్పష్టం చేశాడని వెలుగు చూసింది. దావూద్‌ ఇబ్రహీంతో వచ్చిన విభేధాల వల్ల ఛోటా షకీల్‌ మరో మాఫియా సామ్రాజ్యం ఏర్పాటు చేసుకుంటున్నాడని ఇంటలిజెన్స్ వర్గాలు ప్రకటించిన విషయం తెలిసిందే.

దావూద్ ఇబ్రహీంతో !

దావూద్‌ ఇబ్రహీంతో తనకు గొడవలు వచ్చాయని చెప్పడం కేవలం పుకార్లు మాత్రమేనని ఛోటా షకీల్‌ అంటున్నాడు. తన చివరి శ్వాస వరకూ డీ కంపెనీ కోసమే పనిచేస్తానని, మరో మాఫియా సామ్రాజ్యం ఏర్పాటు చెయ్యనని ఛోటా షకీల్‌ చెప్పాడు.

రహస్య ప్రాంతంలో !

ఛోటా షకీల్ ఓ రహస్య ప్రాంతం నుంచి జీ న్యూస్ టీవీ చానల్ కు ఈ విషయాన్ని ఫోన్ లో చెప్పాడు. అదే సమయంలో నేను భాయ్‌తో ఎప్పటిలాగే ఉంటున్నాను. ఇకముందు ఆయనతోనే ఉంటాను అంటూ ఛోటా షకీల్ చెప్పాడు. డీ కంపెనీలో దావూద్‌ ఇబ్రహీంకు ఛోటా షకీల్‌ కుడి భుజంగా ఉంటున్నాడు.

దావూద్ ఇంటి నుంచి మాయం ?

దావూద్ ఇబ్రహీం సోదరుడు అనీస్ తో చోటా షకీల్ కు విభేదాలు రావడంతో అతను కరాచిలోని దావూద్ ఇబ్రహీంకు చెందిన క్లిఫ్టన్ ఇంటి నుంచి బయటకు వెళ్లిపోయాడని బుదవారం ఇంటెలిజెన్స్ వర్గాలు తెలిపాయి. అయితే ఇంటెలిజెన్స్ వర్గాలు పలువురిని తప్పుదొవపట్టించడానికి ఇలా చెప్పి ఉంటుందని ఛోటా షకీల్ అంటున్నాడు.

అనీస్ vsఛోటా షకీల్ !

మాఫియా సామ్రాజ్యం డీ కంపెనీలో దావూద్‌ ఇబ్రహీం సోదరుడు అనీస్‌ పాత్ర రోజురోజుకూ పెరగడంతో ఛోటా షకీల్‌ దావూద్‌ ఇబ్రహీంకు దూరమయ్యాడని బుధవారం వార్తలు వచ్చాయి. అదే సమయంలో దావూద్‌ ఇబ్రహీం, ఛోటా షకీల్‌ను కలిపేందుకు పాకిస్థాన్ నిఘా సంస్థ ఇంటర్‌ సర్వీసెస్‌ ఇంటెలిజెన్స్‌ తీవ్రంగా ప్రయత్నాలు చేసిం‍దని వెలుగు చూసింది. మొత్తం మీద ఛోటా షకీల్ తాను దావూద్ ఇబ్రహీం వెంటే ఉన్నానని చెప్పడం కొసమెరుపు.

Published On December 14, 2017