అవును.. మా అమ్మ 'ఫ్రీ సెక్స్' చేసింది, మీ అమ్మ కూడా.. : కవితా కృష్ణన్

న్యూఢిల్లీ : మహిళా హక్కుల కోసం ఉద్యమిస్తున్న సీపీఐ ఎంఎల్ నేత, స్త్రీవాది కవితా కృష్ణన్ మహిళల్లో ఫ్రీ సెక్స్ పట్ల అవగాహన కల్పించడానికి సోషల్ మీడియాను ఉపయోగించుకుంటున్న విషయం తెలిసిందే. దీనికి సంబంధించి కొద్ది రోజుల క్రితం ఆమె ఫేస్ బుక్ లో ఒక పోస్ట్ పెట్టారు.

అన్ ఫ్రీ సెక్స్ అనేది మహిళలను బలవంతపెట్టడం లాంటిదేనని, సెక్సువల్ విషయాలకు సంబంధించి స్త్రీకి పూర్తి వ్యక్తిగత స్వేచ్చ ఉండాలనే ఉద్దేశంతో సోషల్ మీడియాలో ఫ్రీ సెక్స్ పోస్ట్ చేశారు. దీనిపై పలు టీవి ఛానెళ్లలోను చర్చ జరిగింది. అలాగే ఫేస్ బుక్ లోను ఫ్రీ సెక్స్ పై తమ అభిప్రాయాలను పంచుకోవాల్సిందిగా పోస్ట్ పెట్టడంతో.. పలువురు వ్యక్తులు దీనిపై స్పందించారు.

ఈ క్రమంలోనే.. డీఎం దాస్ అనే ఒక నెటిజన్ కవితా కృష్ణన్ ను అడిగిన ప్రశ్న ఇప్పుడు దేశమంతటా హాట్ టాపిక్ అయింది. ఫ్రీ సెక్స్ పై స్పందించిన దాస్.. 'మీ అమ్మ లేదా కూతురు ఫ్రీ సెక్స్ లో పాల్గొన్నారేమో అడుగు' అంటూ ప్రశ్నించాడు. కాగా.. దాస్ ప్రశ్రపై ఏమాత్రం వెనక్కి తగ్గలేదు కవితా కృష్ణన్. 'అవును మా అమ్మ ఫ్రీ సెక్స్ చేసింది. మా అమ్మ లాగే మీ అమ్మ కూడా చేసే ఉంటుంది. లేకపోతే అది రేప్ అవుతుంది, అర్థమైందా..!' అంటూ దిమ్మతిరిగే సమాధానమిచ్చింది.

ఇదే అంశంపై కవితా కృష్ణన్ అమ్మ కూడా స్పందించారు. కవితా కృష్ణన్ కామెంట్ కింద తన కామెంట్ ను పోస్ట్ చేసిన లక్ష్మీ కృష్ణన్.. 'హాయ్ దాస్ నేను కవితా అమ్మను. నేను ఫ్రీ సెక్స్ లో పాల్గొన్నాను. అది నా ఇష్టపూర్వకంగా జరిగింది. నాకు నచ్చిన వ్యక్తులతో నాకు నచ్చిన సమయంలో సెక్స్ లో పాల్గొనే హక్కు నాకుంది. ప్రతి మహిళా లేదా పురుషుడు సెక్స్ విషయంలో తమకు నచ్చినట్టుగా ఉండే హక్కు ఉంది'.

పరస్పర అంగీకారంతో సెక్స్ లో పాల్గొనడం బలవంతపపు రేప్ కాదని, ఫ్రీ సెక్స్ అని పేర్కొన్నారు లక్ష్మీ కృష్ణన్. కాగా.. మహిళా హక్కుల కోసం గొంతెత్తున్న ఈ తల్లీ కూతుళ్లను సోషల్ మీడియాలో చాలామంది అభినందిస్తున్నారు.

English summary

CPI(ML) Polit Bureau member Kavita Krishnan and her mother Lakshmi ignited a debate on social medThe ‘Spoilt Modern Indian Woman’ -- a feminist initiative aimed at breaking gender stereotypes -- shared a quote by Kavita Krishnan on its Facebook page and initiated a discussion on what constitutes ‘free sex’.