• search

కార్పూర్ ఐఐటీలో సంచలనం: 22మంది విద్యార్థులపై వేటు

By Garrapalli Rajashekhar
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    కాన్పూర్‌: ర్యాగింగ్‌‌కు పాల్పడుతున్న విద్యార్థులపై ఐఐటీ కాన్పూర్‌ సంచలన నిర్ణయం తీసుకుంది. జూనియర్‌ విద్యార్థులపై ర్యాగింగ్‌కు పాల్పడినందుకు 16మంది సీనియర్‌ విద్యార్థులను మూడేళ్ల పాటు, మరో ఆరుగురిని ఏడాది పాటు సస్పెండ్‌ చేసింది. కాగా, ఈ ప్రతిష్ఠాత్మక విద్యాసంస్థలో ఇలాంటి నిర్ణయం తీసుకోవడం ఇదే తొలిసారి కావడం గమనార్హం.

    మూడో ఏడాది విద్యార్థులు తమ కింది తరగతి విద్యార్థులపై ర్యాగింగ్‌కు పాల్పడిన దృశ్యాలు సోషల్‌మీడియాలో హల్‌చల్‌ చేయడం యాజమాన్యం దృష్టికి వచ్చింది. దీనిపై విచారణ చేపట్టిన ఐఐటీ-కె సెనేట్‌, అపెక్స్‌ నిర్ణయ కమిటీ సోమవారం సమావేశమై దీనిపై విచారణ చేపట్టాయని ఐఐటీ కాన్పూర్‌కు చెందిన అధికారి ఒకరు మంగళవారం మీడియాకు తెలిపారు.

    iit kanpur

    ర్యాగింగ్‌ను తీవ్రంగా పరిగణించడంతో 16 మంది విద్యార్థులను మూడేళ్ల పాటు సస్పెండ్‌ చేసినట్లు ఐఐటీ-కె డైరెక్టర్‌ డాక్టర్‌ మణీంద్ర తెలిపారు. ఈ నిర్ణయంపై సీనియర్‌ విద్యార్థులు క్షమాభిక్ష కోరకపోవడం గమనార్హం. అయితే సస్పెన్షన్‌ ముగిసిన అనంతరం తమను తిరిగి అనుమతించాలని కోరారు. ఫిర్యాదులు ఎక్కువగా రావడంతో విద్యార్థి జింఖానా అధ్యక్షుడు, ఆఫీస్‌ బేరర్లను పదవుల నుంచి తొలగించారు.

    50 మంది సీనియర్లు తమను ర్యాగింగ్‌ చేస్తున్నారని, బూతులు తిట్టడంతో పాటు అమానుషంగా ప్రవర్తిస్తున్నారని 30 మంది జూనియర్లు ఆగస్టు 20న యాజమాన్యానికి ఫిర్యాదు చేశారు. దీనిపై విచారణ చేపట్టిన ర్యాగింగ్‌ నిరోధక విభాగం ఈ వ్యవహారంలో 24 మంది సీనియర్ల ప్రమేయం ఉన్నట్లు గుర్తించింది. వారిని కఠినంగా శిక్షించాలని, కోర్సు నుంచి తొలగించాలని, పోలీసు కేసు నమోదు చేయించాలని సిఫార్సు చేసింది. ఇలాంటి ఘటనలు పునరావృతం కాకూడదనే తీవ్ర చర్యలు తీసుకుంటున్నట్లు యాజమాన్యం తెలిపింది.

    English summary
    The Indian Institute of Technology-Kanpur has suspended 22 students for a period ranging from one year to three years on ragging charges, an official said on October 10. The decision was taken by the IIT Senate on October 9, he added.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more