జమ్మూకాశ్మీర్‌లో కరుడుగట్టిర పాక్ ఉగ్రవాది వీడియో కలకలం: పాక్ ఉగ్రవాదులతో హిజ్బుల్ ముజాహిదీన్

శ్రీనగర్/న్యూఢిల్లీ: ఫిబ్రవరిలో శ్రీనగర్‌లోని ఓ ఆస్పత్రి నుంచి తప్పించుకున్న కరడుగట్టిన లష్కరే తొయిబా ఉగ్రవాదికి సంబంధించిన తాజా వీడియో ఇప్పుడు కలకలం రేపుతోంది. శ్రీనగర్‌ ఆస్పత్రి నుంచి ఫిబ్రవరిలో తప్పించుకుపోయిన పాకిస్థాన్‌ ఉగ్రవాది నవీద్‌ జట్‌.. తుపాకీ పట్టుకున్నఓ వీడియో విడుదలైంది.

అది కూడా జమ్మూకాశ్మీర్‌లోనే కావడం గమనార్హం. ఉగ్రవాద సంస్థ హిజ్బుల్‌ ముజాహిదీన్‌ కమాండర్‌ సమీర్‌ టైగర్‌ మరో ఐదుగురితో కలిసి ఉన్నాడు. దీన్ని బట్టిచూస్తే పాకిస్థాన్‌ ఉగ్రవాద సంస్థలతో కలిసి హిజ్బుల్‌ ముజాహిదీన్‌ కలిసి పనిచేస్తుందని మరోసారి స్పష్టమైంది.

కాగా, ఆ వీడియో దక్షిణ కాశ్మీర్‌లోని ఏదో ఒక ప్రాంతంలో ఆ వీడియోను తీసి ఉంటారని పోలీసులు తెలిపారు. నవీద్‌ తప్పించుకున్న ఘటనపై పోలీసులు విచారించగా అతడిని తప్పించేందుకు గత నాలుగు నెలల కిందటే ప్రణాళికలు సిద్ధం చేసి ఉగ్రవాదులు అమలు చేసినట్లు, దానికి హిజ్బుల్‌ ముజాహిదీన్‌ సాయం చేసినట్లు గుర్తించారు.

English summary

A fresh video of Naveed Jutt, the top Pakistan Lashkar terrorist who made a dramatic escape from a hospital in Srinagar in February, has surfaced. In the latest video, Naveed Jutt is seen in fatigues, an automatic rifle in his hand, walking up to a group of armed militants of the Hizbul Mujahideen in a forest area of the Valley.